影片
更多
2016-07-31
13490 浏览
搵食嚟到工廠區，見朋友食過都讚，而且平平地得嚟質素又幾好，不過地點確是有點不就腳，要開定地圖搵間酒店。上到嚟，周圍嘅佈置都幾特別，尤其鍾意有2張桌球枱，一間遊戲室，仲有2部電腦，啱哂大人同細路，其實可以早d嚟玩一輪先開餐。嘢食嚟講，種類唔算多，尤其熱葷，但夠食到飽😁😁精選咗以下必食回本推介比大家😋即開南非生蠔見師傅密密開，無停手，蠔嘅size幾大，每次最多4隻，生蠔以外有長腳蟹、蝦、螺....好新鮮，甜美。生蠔估唔到咁正，食到它嘅鮮甜蠔味，最值得食item之一。沙律吧沙律菜、配料全部都好新鮮，值得一讚有紅菜頭沙律，整得唔錯；另外想提提「薯絲馬介休」，話哂葡菜主題，呢個幾特別，將薯仔刨絲，加馬介休炸，咸咸地，好好味，薯絲好脆口牛蒡西施燉湯好好飲，睇到幾足料燉，清清地嘅藥材味，牛蒡有益，所以全枱人都一人飲一盅😊濃湯生菜鯪魚肉喜歡生菜魚肉就咪錯過呢個，真係好濃魚味，有別於街頭果d生菜魚肉，魚肉係全魚，無溝其他肉同粉，魚湯真材實料，好味道！日式火鍋睇到呢盤一品鍋，咁多料，仲可以加配自選肉類，整番個小鍋嘆下都幾爽，樣樣配料都試下，好入味，鍾意冬菇，好淋身好有味。甜品部有葡撻呀😊😊細細粒一個，食咗
上到嚟，周圍嘅佈置都幾特別，尤其鍾意有2張桌球枱，一間遊戲室，仲有2部電腦，啱哂大人同細路，其實可以早d嚟玩一輪先開餐。
嘢食嚟講，種類唔算多，尤其熱葷，但夠食到飽😁😁精選咗以下必食回本推介比大家😋
即開南非生蠔
見師傅密密開，無停手，蠔嘅size幾大，每次最多4隻，生蠔以外有長腳蟹、蝦、螺....好新鮮，甜美。生蠔估唔到咁正，食到它嘅鮮甜蠔味，最值得食item之一。
沙律吧沙律菜、配料全部都好新鮮，值得一讚有紅菜頭沙律，整得唔錯；另外想提提「薯絲馬介休」，話哂葡菜主題，呢個幾特別，將薯仔刨絲，加馬介休炸，咸咸地，好好味，薯絲好脆口
牛蒡西施燉湯好好飲，睇到幾足料燉，清清地嘅藥材味，牛蒡有益，所以全枱人都一人飲一盅😊
濃湯生菜鯪魚肉喜歡生菜魚肉就咪錯過呢個，真係好濃魚味，有別於街頭果d生菜魚肉，魚肉係全魚，無溝其他肉同粉，魚湯真材實料，好味道！
日式火鍋睇到呢盤一品鍋，咁多料，仲可以加配自選肉類，整番個小鍋嘆下都幾爽，樣樣配料都試下，好入味，鍾意冬菇，好淋身好有味。
甜品部有葡撻呀😊😊細細粒一個，食咗3、4個，好味！但如果唔係出爐食，擺耐咗撻底淋哂唔好食。
各類蛋糕就一般般，無乜特別，芒果蛋糕嘅芒果都唔甜，蛋糕類可以唔試。
最後係雪糕，4隻味哈根大師，正！成日覺得大筒嘅雪糕好味過細杯裝，所以點都要食番幾球。雪糕隔離有即製窩夫，又係我至愛，不過要排隊，等4分鐘先做起一底窩夫。等完窩夫就筆雪糕，美味！
张贴
