I's Land Cafe (已結業)

呢排俾自己不少壓力，突然好想去唔同的 cafe 休閒吓，無意發現呢間 cafe 都係一個唔錯的地方。一入門口，就好似進入了個神秘的花園，無論係門牌，或者係餐廳的四周，都佈置了很多植物。既然進入了這個花園，當然要點餐廳的主題晚餐吧~先來個餐湯，原來係粟米湯，味道是甜甜的，口感唔係稀身的一種，可以見到一 pat pat 像瓜蓉的增加湯的層次。配埋個餐包，甜甜地好鬆軟。香脆美國粗薯條外脆內軟，而且係暖暖地的，鹽份並不多，可以食得出薯條的原味。南瓜汁海鮮意大利飯意大利飯好香南瓜味，creamy得來唔太膩。而蜆和青口真的很鮮美，兼帶點海水味，另外蝦是很新鮮彈牙的。蜜糖香草燒春雞雞的外皮燒得非常香脆，而且肉質是滑得來啖啖肉的。食完主菜，又到甜品的時候啦~先來個滑滑的原粒藍莓奶凍，對於喜歡食藍莓的我真係 Yummy Yummy~我們把另一個甜品升級，就是朱古力心太軟加朱古力雪糕。一弄開心太軟，暖暖的朱古力就流出來，朱古力濃不太甜，而旁邊的朱古力雪糕亦同樣美味，一次過讓味蕾同時感受兩種不同的朱古力温度。最後，我們以兩杯餐茶 - 伯爵茶 和 熱檸茶 - 作為晚餐的結尾。