在家 (已結業)

早喺兩年前書籤左嘅餐廳，最近先有機會試到，好在都冇失望。餐廳位於觀塘工廈，日頭有供應日式丼飯，晚上做私房菜。聽講工作日好多人，最好要訂位；反而我地週六下午茶，一個人都冇呢店面面積小，只有一張高身枱同長枱，格局有少少啲出租廚房。而實際佢地係喺另一個單位煮食、出菜，所以唔會有油煙味。餐牌選擇比想像中多，除左旋風滑蛋丼，仲有刺身丼、熟食丼；小食數款例如玉子燒、溫泉蛋、炸豆腐等，消費較一般工廈餐廳稍高。湯品幾有驚喜，相信以非常多的蝦頭煮成，味道濃郁得來不過火，挺鮮旋風滑蛋炭雞丼 $98旋風蛋飯算其中一個招牌吧，仲有鰻魚/豬軟骨/牛油果，價錢一樣。賣相唔錯呢，雞蛋扭紋完整，灑上蔥花、芝麻；唔算話好大碗，一人份量。雞蛋滑溜，蛋汁帶麻油香，仲有明太子醬，足以下飯，飯粒微酸唔乾雞柳切成小件，被燒汁包裹，整體味道唔錯，唯一係食落唔夠熱。   明太子玉子燒 $28玉子燒淋上明太子醬，面層微微焦香，食落甜甜地，好食呢一口黃金豆腐  $28黃金豆腐外皮微酥，口感滑嫩，調味剛好，唔算好重口味。