鵜舞

营业中

休息中

朋友們頻頻於FB放閃日本櫻花相，搞到無份既我很葡萄囉 慶幸有一班好姊妹覓得呢間極似日本居酒屋的餐廳幫我慶祝生日  以一解相思之苦 餐廳格局都仿照居酒屋去裝飾佈置，仲有不少日本人幫襯，更有日式風味 首先叫左杯飲品，邊飲邊等齊人。我揀左杯青蘋果梳打，waitress強烈建議+$12一支雪條，話日本好興，咁有創意就試下先，可惜除左夠冰凍&得意之外，其實無咩味 下次都係飲返啤酒安全d。海鮮刺身沙律最好味，刺身，海帶同3色蟹子，鮮艷奪目 又爽又脆又有鮮味，極富口感 不過點嫌唔夠芝麻醬。蕃茄牛肉壽喜燒跟配一碗蛋汁，豆腐非常滑嘟嘟，蕃茄甜美，牛肉蘸上蛋汁其實食唔出有咩分別，因為牛肉本身已經好腍同夠味 不同款的壽司價錢各不相同，每人揀左2款試下，都非常美味 由於怕單點壽司食唔飽(壽司粒飯其實好細)，叫左個咖喱吉列豬扒定食頂下肚，咖喱一d都唔辣，豬扒炸得亦唔太厚粉，不過不失啦。所有食物既上菜速度都好快，唯獨個燒雞翼等到食完成餐飯都未上 再三催促之下終於燒完，果真即席燒成，非常熱，味道還好 !整體而言，雖然價錢偏貴，但氣氛同食物質素係值得一試既。