.
觀塘返工真係好多好嘢食，淨係駱駝漆大廈都已經係美食集中地，中西港日韓既餐廳都應有盡有，今次揀咗其中一間熱門餐廳，位於一樓嘅米線專門店。
.
✨ 雞駅花膠雞米線專門店
主打雞湯米線🐥，以三黃雞，豬筒骨，鯊魚軟骨及西施骨熬成雞湯底。
.
✨ 排隊
晚市6點幾已經開始有人龍🧑🤝🧑👫，大約等10分鐘先入座。雖然店鋪樓面唔大，但用QR cod 落單，而且上菜速度都算快，所以翻枱都幾快👍🏻。
.
🥢 姬松茸竹笙花膠雞米線 $78
真材實料‼️養生之選‼️有三至四件嫩滑雞件🍖，配姬松茸、竹笙、花膠、蟲草花。兩大塊花膠😍，雖然唔係大件，但勝在夠厚身，食落爽滑彈牙😋。湯底呈淺奶白色帶少少雞油🫧，湯底十分鮮甜帶淡淡姬松茸菇菌嘅香甜味，飲曬都唔會口渴🥰。
.
🥢 胡椒豬肚雞米線 $60（加$10轉雞髀）
鐘意重口味少少嘅，絕對要試下依個‼️唔係單單胡椒粒或者胡椒粉，胡椒味香濃🤤，好夠胡椒味道，恰到好處👍🏻。雞件（雞髀肉）真係好嫩滑，近骨位位置好有雞味🤭，豬肚夠曬爽口唔韌☺️。米線唔會太腍身或太軟，正常發揮👌🏻。
.
🥢 悍匪雞翼（胡椒孜然） $42
生炸雞翼‼️炸粉好薄，酥脆可口😚，肉汁滿滿💦，又唔會油淋淋。胡椒、孜然粉就灑係外皮上面，超好味🥰！
.
🥢 凍檸茶（跟餐加配 $8）
.
