Go Inside Kitchen (已結業)

觀塘平日lunch好多人食嘢，有D好嘅餐廳想試都唔敢lunch time去試！但今日假日就可以大試特試，又唔怕會多人。一出lift就見到Go Inside，非常eye catching。空間除咗大，位置間又好寬闊，出面仲有個露天位置，其實真係唔錯嘅選擇，怪唔之得平日lunch咁多人都要嚟試！新鮮空運澳洲西冷(8oz)伴紅酒汁 $128西冷牛今次我揀咗7成熟！平日其實我要5成熟，但最近唔敢食太生，所以要咗7成。牛肉非常嫩滑鮮甜再加上紅酒汁，可以說是無得輸啊！這個價錢可以食到這種西冷質素，絕對物有所值。餐湯十分creamy嘅南瓜湯，so far 係我食過飲過最好飲嘅南瓜湯。而且份量多，完全係飲唔停口。蒜蓉包蒜蓉包雖然唔算係最大特式，但仍然保持到外脆內軟，妨間唔少餐廳能夠維持呢種質素都相當唔容易。熱朱古力秋冬總係唔可以錯過朱古力，熱嘅朱古力一向係我至愛。略厭睎咗少少，但味道還是好好！+15 黑松露蜜糖雞翼雞翼控當然唔可以錯過啦！加咗$15要咗個黑松露雞翼，雞翼好惹味，加埋蜜糖、黑松露非常好味！平日好少食到黑松露，原來加係雞翼到都幾唔錯，推介！🍽6/10🔎