I's Land Cafe (已結業)

官塘工廈有好多食店，但假日營業就唔多。I's Land 係其中如常開門的一間。地方好大，有客人包起其中一角搞活動。周圍都掛有綠色植物，有置身花園感覺。唔少三五知己、情侶聚會。人客可以任坐，唔趕客。士多啤梨窩夫配雪糕，雪糕係綠茶、3.6牛乳。窩夫烤焗得唔錯，外面少少脆，內𥚃軟淋。不過雪糕冰得太耐，好硬，等左一陣先回暖食到。綠茶雪糕茶味頗濃，另一款奶味充足。是日廚師蛋糕：特濃朱古力慕絲蛋糕。蛋糕做得結實，但唔會硬，滿滿朱古力味。慕絲都幾滑。生果單食好酸，但可以中和朱古力的甜。想飲健康慢磨鮮果汁，但是日售罄，唯有下次再試。