e-kafe (已結業)

呢間餐廳都幾隱敝，多得朋友介紹先識黎。我係早一日book位順便問左有冇酒嗌，答案係冇不過可以自己帶酒仲要唔收開瓶費，仲好仲平ｄ.. 我同朋友嗌左兩個餐，慢煮低溫雞同埋比目魚。餐湯係南瓜湯 （好有南瓜味，肯定落足料）沙律係油醋汁雜菜沙律，d菜好新鮮不過唔係好夠汁。。果湯同沙律顧住傾計唔記得影相。。>.<首先不得不讚下個慢煮低溫雞胸，好鬼滑一d都唔鞋，配埋d溶溶地芝士食，真係估佢唔到。。跟著果比目魚，賣相好靚，d肉又係好滑果皮又脆脆地，好似食緊銀雪魚咁。。埋單每人都係百六蚊左右，有d咁嘅質數嘅美食，好值，會再黎食個低溫雞胸。。👍