Shelter Cafe

营业中

休息中

呢度附近無咩野食，好彩當日早上撳定訂座Lunch time嚟到原來想walkin都無位。餐牌嘅菜式選擇唔算好多，一眼都睇曬，用QR CODE自行落單，叫左一個溫泉蛋牛油蝦芥末意粉，餐飲叫左杯凍檸茶。午餐可以加配沙律或湯，雖然湯好吸引，但想健康啲就加左個沙律。沙律係配黑油醋，有蕃茄有生菜。溫泉蛋牛油蝦芥末意粉味道幾好，芥末味幾香幾新鮮嘅感覺。意粉唔會太油或太乾，不過蝦份量就唔算好多，可能得3隻咁上下。餐飲等左好耐，店員話唔好意思因為冰機壞左。我少冰都無所謂，但就唔記得叫走甜。如果QR CODE落單有位比我剔選項就更好。用餐可能要預多少少時間，因為見樓面得一個人踢曬腳。