川吧 (已結業)

天氣轉涼，特別想食辣嘢，行開太子，見到間餐廳個名幾特別-川吧，今晚又搵到開餐既地方。水煮生魚片(細)，叫咗微辣，配料有蓮藕、萵筍等，好爽脆，生魚片都多，新鮮又夠滑，熟度啱啱好，水煮湯底好惹味，薯粉索曬啲湯汁，煙韌又好味。朋友話想飲啤酒，揀咗我地飲開既藍妹，冰凍透心涼，好正，有啤酒就咁梗系唔少得涼拌送酒，叫咗土豆絲及海帶，都好爽口，啲汁辣得好味，唔知落咗啲咩香油，特別香。小店，簡潔舒服，免加一，姐姐態度親切有禮，吃辣好地方。