潮州冷小炒 (已結業)

滷水鵝片，滷得入味，滷水汁既香且甜，不會過咸。鵝片口感又嫩又滑，食到唔停口 ﹗刀功銳利，厚薄均勻，超好味 ﹗原味好食，配辣椒油或浙醋同樣好食 ﹗肥瘦適中，唔會話肥脂肪一舊舊，您睇吓鵝片啲肉顏色幾靚，又有光澤。暫時食過咁多間除尖咀金燕島能決一高下外，無一間可以做到咁香甜滑溜架 ﹗ 川椒雞柳，炸得外脆內嫩，又惹味又香口，一定要跟珍珠葉同吃先可以食到真正既味道 ﹗口感味道夠特別，雞肉嫩滑配珍珠葉既脆口；雞肉味濃配珍珠葉既清香連川椒既濃郁，真係好好食 ﹗但緊記要趁熱呀，凍左會比較油膩同偏咸。一直以為綠色葉就係川椒，原來川椒仲細粒過花椒，綠色葉係叫做珍珠葉架喎 ﹗