影片
食记 (40)
2O2O年5月9日和朋友去食饭，几拾年未食过咁难食食物，炸鲮鱼球皱皮，肉晦超咸，牙带鱼咸到苦，得三小块，卤水鹅肉鞋冇卤水味，煎蚝饼蚝又小又细粒又散，只有韮菜猪红稍为正常，但偏咸，和大围及其他吃过潮洲菜，完全吾合格。
继续阅读
卤水鹅片，我每次都对依度既鹅片赞不绝口，卤水香甜不咸不呛，肉质嫩滑又多汁，但今晚失手了 ﹗招牌菜？以前系招牌菜啰，仲系必食之选，不过今非昔比，依家好失望呢 ﹗翻查记录，卤水鹅片一路以来都好好味架，超级嫩滑又无渣，卤水香甜美味 ﹗是否师父放假呢？唔会换左师父咁大件事挂？而且今晚碟鹅片等得特别耐，莫非唔熟手？鹅片纹路及厚薄跟食开唔同，较为厚身、鞋口、硬实、有点干，大失水准，质量插水，卤水偏咸浊，芳香味道不再，肉质干硬鞋。师傅您系咪唔开心呀？韮菜猪红，个汁免免强强合格，味道够浓但单调左少少，猪红有点腥味㖞。煎糯米酿大肠，期望过高了 ﹗不香不甜，无咩既，麻麻地。外皮脆而糯米咽韧，味道一般。半煎煮乌头，上次食好好味架㖞，真系往事只能回味喇。鱼肉无鲜味，温度又唔够热，暖暖地而味道偏淡。潮州蚝仔粥，又系暖暖地，蚝仔又瘦又少，粥底带甜带肉味都还可以，但唔够热使到味道大打节扣啦。榄菜炒饭，无镬气，微咸无蛋香，味道单调。因为我系湾仔某斋舖食过非常好味，所以专登叫黎试试，谁知系天渊之别。三个人都食剩咁多野，原因咪系味道未如理想啰。质数下滑大插水，价钱又贵，难怪晚晚都水静河飞啦。依家九点半已剩低三枱客都煮成这样，质数大幅下滑。原来员工们已预备食宵夜收工喇，咁早？
继续阅读
因为呢间野既午饭太难食搞到要特登开ac上黎写负评第一次既食评亦都比左佢中午去食叫左个木桶午饭，虾浆猪颈肉饭，得个咸字，得饭先食得,d猪颈又肥腻…好多都唔食得落口杯冻奶茶唔系奶茶黎，冇奶味，茶味又淡，好似饮水咁…四十一蚊食d咁既野，very bad
继续阅读
睇左食评先来试吓，一入舖'得一台客，食物味道ok,点左鹅片，蚝粒，话梅猪手，金银蛋时蔬,虾蟹jo，但有少少偏咸及唔算平，两个人成五百几,食完老公去埋单，我就门口等。点知……
继续阅读
突然揾到呢间食潮州打冷, 餐厅几四正, 唔似出面有D潮州打冷”污漕”, 唔知系唔系平日夜晚既原因, 唔多人食饭, 得2张台.我地2人叫左以下𩠌:卤水鹅片: 鹅片肥瘦适中,颜色有光泽, 软熟唔鞋口,有肉汁.黄金虾: 色泽好金黄, 虾身够干, 食落口好香脆, 好野味,不过SIZE偏少.蚝饼: SIZE都几大,食落去唔觉得系刚刚炸起, 好似摊冻左少少, 唔够热辣辣,D蚝仔唔系好多!另外加多左碟菜, 以上既𩠌都OK, 不过价钱都唔平, 间唔中一次可接受.
继续阅读