川一料理 (已結業)

今日行經筲箕灣道麗灣大廈，見有間新開的四川料理店外賣店，主賣除有涼拌料理，飯餸套餐外，仲有四川口味嘅酸菜魚、水煮魚、水煮牛肉，唔辣嘅有味道濃香東坡肉、 鎮江排骨，手撕雞等，選擇都非常多。（涼拌料理分有五香／川麻，仲有不同辣度選擇） 川麻涼拌三拼--雞腎，豬耳，蓮藕片+海帶雞腎、豬耳，口感脆彈，蓮藕片脆口，入口川麻味道香濃，層次感豐富，味道越𑁻越出，非常好嘅送酒小食。 椒麻手撕雞半隻手撕雞份量都幾多，雞肉軟腍，脂肪少，加入秘制醬汁，幾惹味。 東坡肉飯東坡肉色澤紅潤通透，肥瘦層次分明，入口帶有鹹鹹甜甜，味道濃郁，口感軟化，肥而不膩，入口軟化，真是值得推介。