影片
更多
2011-03-21
57 浏览
12月25日, 聖誕節快樂! 等咗一年時間, 終於可以帶到呀菲嚟塔門~ 喺行下山郊遊下之餘, 不少得一試呀比年前一食愛上嘅海膽炒飯! 其實塔門並不大, 喺落船之後沿路一直行就可以嚟到~ 標榜住“首間無冰凍奶茶”, 門面不大, 廚房仲喺正門口open kitchen咁, 只有2位呀姐1位呀叔招呼~ 未開飯已感受到鄉村風味~::: 海膽炒飯 ::: $50必食推介! 雖則$50對於一間鄉村茶餐廳唔算平, 不過份量絕對不馬虎! 一大大碟即叫即睇住呀姐炒, 炒出嚟仲香噴噴有煙出~ 份量絕對不惹少, 足2人份! 雖然d海膽並不是什麼高價貨, 但看得出佢嘅用心, 好有住家炒飯feel~ 熱辣辣兼炒到一粒粒嘅飯, 乾身得嚟, 啖啖都食到足料嘅海膽, 再配搭上蔥花蛋花粒, 更突顯鮮味! 行山之前食一食真係會令精神肉體得到飽滿~!::: 海膽煎蛋三文治烘底 ::: $20只係海膽炒飯又點會滿足到我地, 海膽煎蛋治烘底同樣係推介之選~ 海膽煎蛋完完全全係四四方方同塊麵包size一樣咁大, 唔似有d三文治咁只係中間有餡料, 真係值得稱讚~!! 海膽煎蛋有一份煎蛋香, 煎蛋脆得嚟更有少少炸嘅感覺~ 海膽溶化喺
::: 海膽炒飯 ::: $50
必食推介! 雖則$50對於一間鄉村茶餐廳唔算平, 不過份量絕對不馬虎! 一大大碟即叫即睇住呀姐炒, 炒出嚟仲香噴噴有煙出~ 份量絕對不惹少, 足2人份! 雖然d海膽並不是什麼高價貨, 但看得出佢嘅用心, 好有住家炒飯feel~ 熱辣辣兼炒到一粒粒嘅飯, 乾身得嚟, 啖啖都食到足料嘅海膽, 再配搭上蔥花蛋花粒, 更突顯鮮味! 行山之前食一食真係會令精神肉體得到飽滿~!
::: 海膽煎蛋三文治烘底 ::: $20
只係海膽炒飯又點會滿足到我地, 海膽煎蛋治烘底同樣係推介之選~ 海膽煎蛋完完全全係四四方方同塊麵包size一樣咁大, 唔似有d三文治咁只係中間有餡料, 真係值得稱讚~!! 海膽煎蛋有一份煎蛋香, 煎蛋脆得嚟更有少少炸嘅感覺~ 海膽溶化喺蛋入面好濃郁, 甜中帶鮮~ 如果麵包烘耐一點更脆就更加好~
::: 無冰凍奶茶 ::: $9
竟然店名下有句“首間無冰凍奶茶”! 係咪真係佢地首創就不得而知, 不過確實地個凍奶茶真係幾好飲~ 濃郁嘅奶味唔會俾冰溝稀, 茶味濃得嚟亦唔怕有澀味! 不過喺雪櫃攞出嚟就有d唔新鮮~ 佢地仲可以枝裝咁買, 可以一路行山一路飲~
::: 熱豆花 ::: $10
本身食完上面d野就起程去行山, 但回程時都係忍唔住返去再食多個豆腐花先走! 豆花絕對係百份百自家製, 即叫即片出嚟用膠兜裝住~ 台上除咗有最基本嘅黃糖之外仲有薑汁糖水, 糖水帶微辣, 甜度自然適中~ 主角豆腐花亦十分出色, 豆香味濃而且滑嘟嘟~ 好味!
喺一個只有數間餐廳嘅塔門, 呢度絕對係我地嘅必食推介~ 重點嘅海膽炒飯, 喺鄉村地方食別有一番風味~ 唔知幾時先再有機會嚟塔門, 不過呢度嘅食物必定成為我地重臨嘅原因~
张贴
