Stanley Cave (已結業)

星期六下午去赤柱逛吓outlet行吓沙灘非常舒服，不知不覺去到黃昏正準備返歸但離遠見到有間新店所以行去睇睇。店外設計特別檣身好似西方古老建築物而店名叫Stanley Cave，好有趣喎。其實餐廳係地庫，大門沿樓梯落，好似入山洞咁。餐廳入面裝修很有格調，光線和擺設都很舒服和時尚。Open kitchen 入面清楚見倒師父一舉一動，他們有男有女大家都穿著得整齊醒神，而且十分年輕。廚房長型可以邊睇邊揀邊叫食特，最後到cashier找數再搵個位置用餐。主要提供各類麵包、酥餅、蛋糕、Pasta 和即製crepe。賣相吸引，為食嘅我又點會睇完就算喎，一於晚晚前嚟個 late tea time 先。Pear Danish 個酥皮好鬆化同清甜嘅啤梨match，唔會太多糖漿喺面。另加一份 Chocolate Strawberry Crepe, 即製熱辣辣好好味。位於遊客區價格合理，以後去赤柱又多個地方落腳飲吓咖啡食件餅。