尋魚記 (已結業)

今日喺屯門收工係而家要去搵嘢食，跟住喺V city條食街見到呢間尋魚記，主打食魚同埋有其他京川滬菜，就決定試吓佢啦。我哋七點去到，職員好快安排我哋坐低喺個卡位，個位好闊落好乾淨好舒服。睇完餐牌我哋就掃碼落單，我哋叫咗五樣嘢。我哋叫咗個點心豆腐包子，有三件，上枱嗰陣時仲好熱辣辣，入邊啲餡似菜肉包嘅餡，個包好鬆軟好軟熟。另外仲叫左個松子雞米配叉子，松子雞米又大份又香，配個叉子嚟食好特別好好食。主菜我哋要左松子大黃魚同外婆粒粒炒飯，魚係呢間餐廳嘅主打，上枱嗰陣時都好大條，食落條魚好滑同炸得好香脆，汁拎嚟送飯一流，個飯嗰份量都好大份。最後我哋仲叫咗個甜品，有三件流心椰汁球，入邊好有椰汁味同有西米，炸得好香咬落去好食。喺我哋食飯嘅時候餐廳已經坐滿人，有機會都推薦俾大家試吓！