宏鮨芯 (已搬遷) 新店位置

今晚朋友生日本身諗住去何福堂附近打冷，點知俾間新開舖頭吸引住，係間浜燒料理，原本以為要出香港九龍先有得食，原來屯門都有，應該係屯門第一間，咁就同朋友商量入去試試，入到去環境都唔錯，枱與枱之間相隔都寬闊，晚餐時間都坐左七成滿，再留意下原來有幾個魚缸養滿活花竹蝦，龍蝦，鮑魚，帆立貝，螺…真係好專業。我地急不及待點左刺身拼盤，日本生蠔，浜燒套餐…見到師傅即場係魚缸撈上來，真係好新鮮，最重要係店員幫我地燒埋，唔使自己動手，唔同海鮮都用唔同醬汁，真係夠專業，全部都好鮮甜，正!!估唔到屯門都有咁質素，而且價錢唔貴，屯門價錢可以食到香港九龍質素，下次會再黎，晤使再出去出面先食到浜燒。👍🏻👍🏻