炻板燒 (已搬遷) 新店位置

唔經唔覺行到‪屯門雅都商場‬呢頭，見呢間餐廳門口個招牌好sharp, 加上第二份又有半價優惠，就入嚟試吓先。我哋分別叫咗個板燒日本和牛同板燒封門柳，每個set都跟秘製醬汁、飯、飲品同麵豉湯。入到黎餐廳座位唔多，大概係六至八張枱。但係睇得出鋪頭擺咗好多心思，牆上面畫左好色彩繽紛嘅日式壁畫，木製傢俱，同滿滿嘅黃店風味。個石燒爐具十分精緻，店員溫馨提示我哋先將預備好的牛嘅油脂均勻咁樣塗滿石燒板，再開始燒牛。圖入面左邊嘅係封門柳，相對日本和牛較為薄身細片，顏色冇咁血紅。但食落去好Juicy、牛味好濃、有咬口。而另一款日本牛牛色澤鮮紅，油脂分布均勻，厚度啱啱好，口感豐厚滑嫩。一間有heart嘅小店，值得再幫襯！