品僖小廚 (已結業)

路過見到新開了間雞煲店，門口座滿人就入去試啦點了半隻重慶雞煲，雞煲醬汁香濃惹味，雞肉嫩滑，芫荽鋪滿一層，雖然點了半隻雞，但份量十足好夠食，其實每次食雞煲都擔心成身油煙味，今次竟然無這個問題，可能抽風系統做得好！椒鹽鮮魷，魷魚新鮮又大件，炸到好香脆 ，食落口好彈牙，火喉剛好！今日好似特別大食，食完兩味餸好似唔夠喉，經店員推介品僖小炒皇，一上枱果然好有驚喜，鋪滿炸腰果及脆脆魚乾，仲有魷魚，蝦仁，蝦乾，切條菜脯加埋九菜花一齊炒，真是一絕臨走見到隔離枱食緊烤魚，決定下次約埋大班朋友再一齊食過