影片
我哋两位入去堂食，全部卡座，台都畀单人食客坐哂单边，店家就安排我哋同其他人搭住台先，但店家之后就无啦啦叫其他食客坐埋一堆，吉左张台出嚟，但出面又无客等台，又无安排我地转台，奇怪。卡座都几逼，对面个食客又不停咳同清喉咙帮我哋啲饭𩠌「加料」，其实都几难受。讲返食物，今日个午餐1号，白汁鸡皇饭，无乜味道又唔够热，啲鸡口感好老。午餐2号，芙蓉蛋饭，个芙蓉蛋急就章咁出货，唔够干身同油腻感重，最大镬系咸到要洗肾咁滞。或者你会话，48蚊午餐你想点啫？ 但有时煮嘢花多少少心机，楼面留心吓食客多少少，𠮶度其实所费无几，但畀食客嘅感受又可能会好啲。差唔多食完依餐饭大约12点几，应该系正值饭市最旺嘅时间，但回望四周，得三两台客。其实唔怪得人唔想系香港消费，如果你觉得打得开门做生意啲人就会自动送上门，人哋至多做一次傻仔，系唔会回头再帮衬你。或者老板你可能唔Care 啦。
继续阅读
今日去屯门觅食，想食茶餐厅，入左呢间，点左份：（经典茶餐厅早餐）沙嗲牛肉米 配炒蛋+方包 ，饮热奶茶—$35牛肉同沙嗲酱系分开，应该系后期放沙嗲酱落去𠮶种，味道麻麻，好淡无沙嗲味🫠
继续阅读
未食过咁难食既沙嗲牛肉面，食到一半放弃，加啲沙嗲加啲水煮牛肉捞埋落面到就当沙嗲牛肉面。啲面质仲系滑果种，唔系爽。睇啲评价话午餐同晚餐都好食，真系唔知真定假好有保留。
继续阅读
放lunch肚饿谂左好耐食咩都谂唔到，谂住求其揾间茶记食，系门口睇餐牌见到个福建炒饭$43蚊，今时今日$43一个lunch真系好小见，即管入去试下，估唔到有惊喜， 个福建炒饭有镬气，味道啱啱好唔会太咸，材料足，饭既份量都够饱 （利申男人大食底）， 以家想食餐饱d既lunch都要$6-70，我谂其他地方都无咁平，咁足料，仲要咁既价钱， 价钱都事少，佢真系味道很不错，性价比高，以后放lunch多个地方，我谂我会成日食
继续阅读
星洲炒米是一道非常受欢迎的午餐选择。一般会使用炒米、虾、叉烧、火腿、蛋等等，口感丰富多样。炒米非常香，配合虾🦐、叉烧🐷，更增添了丰富的口感。此外，整道菜的味道咸中带香，微微辣，镬气十足🔥，非常适合大多数人的口味。餐厅的服务也很好👍🏻，会主动提出可以加辣椒油🌶️，价格也非常实惠。如果您喜欢星洲炒米，我非常推荐您来品尝这道菜。
继续阅读