盤子工房 (建生商場) (已搬遷) 新店位置

係屯門探朋友接放工，發覺建生依個屋邨區都有唔少美食，唔少都係小店黎，近輕鐵站果邊，有間cafe近黎都幾多人食，所以想試下。店面幾有特色，有啲好細心既裝飾，有典型文青cafe既bar枱同埋手繪畫，好DIY!係門口睇下餐牌有咩食，都有唔同選選wor，有飯有意粉有扒有甜品！唔錯我地叫左個龍利柳飯配白汁，仲有西冷牛扒配薯角，加$15仲有白湯同蒜蓉包添，飲品方面我地叫左特飲：百香果汁，唔洗加錢嫁！首先先有湯同包，湯份量多，唔會太漏，幾清新，包都幾好味。等左一陣就有得食喇！每個set都係成盤上，唔怪得叫盤子工房。龍利柳飯+白汁：飯同魚份量都多，但個白汁出奇地少，唔夠撈飯。魚都幾入味，個texture唔錯。另外啲瓜有煎過，幾好味。西冷：西冷煎得幾好，入味之餘口感適中，薯菜新鮮，份量多。每個set都附送西瓜，做飯後果，幾特別。百香果飲品用個量杯裝住，幾特別，提提大家要搞一搞個底，先飲，如果唔係會無味。搞完之後，杯野飲味道適中，唔太甜，都ok，入面仲有啲蘋果粒。總結：依間餐廳係屋邨黎計算係清泉，雖然食物質素唔算超卓，但都幾好，有特色，環境也舒服，價錢相宜，可以一試。