影片
更多
2020-06-11
32 浏览
返屋企途中聞到好香嘅雞煲味，再望望前面，原來係呢間餐應傳出嚟，呢排減肥都食得好清淡，決定今晚諗住獎勵下自己，一餐半餐冇所謂嘅！呢間嘅賣點係無限加雞，正！配料方面，餐牌都好多選擇~~ 等咗十分鐘左右，雞煲嚟喇！ 呢個雞煲偏多汁，唔係平時食開嘅濃稠嗰類，要提一提大家，呢到嘅雞煲冇得揀走辣，我哋揀咗微辣，都唔會太辣，好惹味！我哋兩個人食，以下所有我都係tick 1 😂😂 但呢到配料嘅份料都俾得相當足！值得一讚係，呢到嘅蟹柳係日本蟹柳，比一般放題餐廳嗰啲好食太多！午餐肉都係厚切，索埋湯食好正！魷魚柏葉份量都好多，打邊爐呢兩樣真係必叫！廚師腸又係好好食，我都encore咗，唔知係咪錯覺，好似同平時買開嗰啲唔同，呢款冇咁鹹！另外仲叫咗粉腸同滑牛肉，都唔錯！肥牛同腩片，排得好整齊，質素都食得過，如果想要靚啲嘅牛，可以加錢食埋！總括嚟講，呢間嘅性價比好高，星期一至四，每位只係$168，唔使加一，不過平日食都比較多人，打電話嚟訂定位會穩陣啲！
呢間嘅賣點係無限加雞，正！配料方面，餐牌都好多選擇~~
等咗十分鐘左右，雞煲嚟喇！ 呢個雞煲偏多汁，唔係平時食開嘅濃稠嗰類，要提一提大家，呢到嘅雞煲冇得揀走辣，我哋揀咗微辣，都唔會太辣，好惹味！
我哋兩個人食，以下所有我都係tick 1 😂😂 但呢到配料嘅份料都俾得相當足！
值得一讚係，呢到嘅蟹柳係日本蟹柳，比一般放題餐廳嗰啲好食太多！午餐肉都係厚切，索埋湯食好正！
魷魚柏葉份量都好多，打邊爐呢兩樣真係必叫！廚師腸又係好好食，我都encore咗，唔知係咪錯覺，好似同平時買開嗰啲唔同，呢款冇咁鹹！
另外仲叫咗粉腸同滑牛肉，都唔錯！
肥牛同腩片，排得好整齊，質素都食得過，如果想要靚啲嘅牛，可以加錢食埋！
總括嚟講，呢間嘅性價比好高，星期一至四，每位只係$168，唔使加一，不過平日食都比較多人，打電話嚟訂定位會穩陣啲！
张贴
