燒蝦蝦 (興泰大廈) (已結業)

之前朋友介紹話屯門有一間流水蝦海鮮放題幾出色，餐廳好大，裝修得幾靚，坐位亦寬敞。一入到餐廳就會見到每一台旁邊都有魚缸，入邊就有好多大頭蝦，方便客人一邊玩一邊食😂蝦好新鮮，見到佢地好生猛係水缸度游水。服務員好貼心講解要點使用d工具同捉蝦方法👍🏻2.5小時任食海鮮放題 7:30後結帳及離座 $368 (每人送和牛、鱔、龍蝦)海鮮種類好多，有蠔、鮑魚、青口、蜆、螺，肉類區雞鴨豬等等都有，仲有丸類、腸、雞軟骨串，好豐富！旁邊設有熟食區方便未燒熟又肚餓個時食，仲有得煮面添！醬料區都好出色，有辣蒜蓉、普通蒜、牛、辣、蔥、蜜糖等等！我就拎勁多辣蒜蓉，方便燒海鮮嘅時候落🤣😂😂😝佢哋啲海鮮都幾新鮮，我最鍾意食佢嘅燒鮑魚同燒扇貝，加埋落蒜蓉一齊笑超入味！大頭蝦係重點，一定要每人食返十幾二十隻🤣最後仲有甜品，普通嘅芝士蛋糕同水果都齊全，另外仲有各式各樣嘅雪糕雪條，一定食到勁飽🤣