影片
更多
2020-02-12
4306 浏览
近排疫情蔓延搞到人心惶惶，大家都應該少出去餐廳食野吧？ 我同DC先生都少左去街，但民以食為天，我地間唔中都會出去食好味野，彌補下心靈的空虛！嘻嘻！ 今晚係元宵節，我同先生都想應下節，於是小兩口去左MOTT 32食。先生本身其實對中餐麻麻地（始終係外國長大），但對於呢d fusion中餐甚感興趣。 我地6:30pm入座，都有幾枱可客，但多數都係外國人。同一般傳統中餐廳唔同，呢到燈光係走浪漫路線，簡單來講就係灰暗，長輩已經唔太識欣賞，但我同先生就好中意呢d浪漫的感覺。 我地本身中意品茶，因此order左家藏普洱，茶介沒人HKD 25。其實餐牌有好多高質茶選擇，但因為我想order cocktail的關係，所以無order。 我order左forbidden rose，賣相不在話下，味道我覺得非常非常易入口，而且絕對無藥水味（我成日認定cocktail好易有藥水味），價位在HKD 130-140之間。Cocktail是這間餐廳的signature之一，所以我覺得一定要order一杯。 至於前菜方面，我地order 左間餐廳的名菜-蜜汁西班牙高級慢煮茶勺。又西班牙又高級又慢煮，你都估到價錢唔會
我同DC先生都少左去街，但民以食為天，我地間唔中都會出去食好味野，彌補下心靈的空虛！嘻嘻！
今晚係元宵節，我同先生都想應下節，於是小兩口去左MOTT 32食。先生本身其實對中餐麻麻地（始終係外國長大），但對於呢d fusion中餐甚感興趣。
我地6:30pm入座，都有幾枱可客，但多數都係外國人。同一般傳統中餐廳唔同，呢到燈光係走浪漫路線，簡單來講就係灰暗，長輩已經唔太識欣賞，但我同先生就好中意呢d浪漫的感覺。
我地本身中意品茶，因此order左家藏普洱，茶介沒人HKD 25。其實餐牌有好多高質茶選擇，但因為我想order cocktail的關係，所以無order。
我order左forbidden rose，賣相不在話下，味道我覺得非常非常易入口，而且絕對無藥水味（我成日認定cocktail好易有藥水味），價位在HKD 130-140之間。Cocktail是這間餐廳的signature之一，所以我覺得一定要order一杯。
至於前菜方面，我地order 左間餐廳的名菜-蜜汁西班牙高級慢煮茶勺。又西班牙又高級又慢煮，你都估到價錢唔會平啦！無錯，我地呢餐飯最貴的item就係碟叉燒啦！我覺得反正都來到，點都要試一試。
叉燒的確有入口即溶的感覺·，味道亦唔會死甜，分量亦唔至於太少（當然我地淨係兩個人食），但至於HKD 325一碟叉燒值不值得，就見仁見智啦！
之後我地仲order左煎黑鱈魚，上面有少少薑絲，旁邊有serve個酸酸辣辣的醬，但因為我地認為鱈魚本身已經好好食，唔需要點醬都得啊！價錢係HKD 280 兩塊，性價比絕對比叉燒高！
最後仲order左個魚湯四寶泡飯，我無深入研究過係邊四寶，但有蝦同帶子，上菜時會將脆米倒入鍋中，甚有感覺。因為有脆米的關係，口感非常好。值得一提的是，分量非常大，我們兩人應該各自食了約2-3碗飯先勉強食完。全晚性價比最高非它莫屬，HKD 290，三至四人都絕對夠吃。
呢餐飯雖然唔算平，但算得上高質，以後一定會再來幫襯！
张贴
