味苑 (已結業)

臨近中秋梗係要約屋企人食返餐飯，今次揀咗食粵菜。餐廳位於灣仔，由地鐵站行過去唔使五分鐘，非常方便。餐廳裝潢充滿中國色彩，環境闊落，而且光猛整潔。餐具用懷舊公雞圖案，十分有心思。餐廳主打各式廣東粤菜。仲有套餐可供選擇。金沙明蝦球，蝦大大隻再被金黃色嘅鹹蛋黃包著，香氣撲鼻，而且鮮蝦彈牙多汁。白胡椒大肉蟹，確實做得十分出色，以白胡椒、蒜頭、洋蔥同炒，乾身，惹味，而且十分香口。特色瑤柱櫻花蝦炒飯，飯炒得乾身，粒粒分明，材料豐富。蟲草花蝦滑浸翡翠，蝦滑啖啖肉，蟲草花爽囗，菜新鮮翠綠，湯非常清甜 。最後附送糖水，甜度適中，用料十足。餐廳服務好，價錢合理，適合家庭聚餐。