京都薈

营业中

休息中

大家都知道美孚系香港十大屋苑，同時佢系一個老區，即系老年化地區，相對其他新興屋苑呢度住咗更多老年人。眾多老人家特別喜歡飲茶，尤其係在美孚這個美食沙漠，方便的位置，也令酒樓生意特別的好。酒樓有部電梯仔，每日不知道運載咗幾多老人家上黎飲茶。出咗電梯就見到廣闊的大廳，在數以十計的年數裡不斷洗禮，不少區內人都在這裡擺酒，大大小小的餐枱也有著歲月的痕跡…好多老年人都係揸住報紙一盅兩件嘆個茶市特價，籠仔蒸飯都算經濟實惠。帶位的姐姐，送餐嘅姨姨，遊走在餐枱之間的經理，交織成一幅喧擾有聲的畫面，呢個就係時代的印記…👉🏽蜜汁叉燒皇 💰HKD88平時有買開外賣，肥瘦適中，上色都不錯，肉質口感軟冧，份量亦都幾滿足，不過偏咸。👉🏽石鍋XO醬腸粉💰HKD48石鍋熱辣辣，XO醬十分突出，另外仲配咗麻醬同醬油，重口味之選！👉🏽上海脆素鵝💰HKD48大大一份，看上去炸到金黃色飽滿酥脆，食落味道偏淡，系淡口味之選。👉🏽鴻運脆腸粉💰HKD37橙色拉腸粉，我哋係第一次見到，好特別…裡面包咗油炸脆脆同蝦仁，系點心類的特點。