燒味滷師 (安發大廈)

营业中

休息中

有時喺屋企煮飯食，唔想煮太多餸，去買燒味就最方便而我自己通常都會揀 比較乾淨嘅燒味店，因為好多燒味店都直接掛晒啲燒味出嚟，冇遮無掩真係唔敢買呀我幾鍾意買燒味滷師係因為佢地真係幾乾淨，而且價錢又唔算太貴佢地最近做緊優惠，貴妃雞、豉油雞或者鹽焗雞都只係買$48/隻，好抵食呀但係我自己就比較鍾意食手撕雞，因為比較方便，今次我買咗辣味嘅手撕雞、叉燒同埋燒鵝王燒鵝王會有額外嘅醬汁提供等食之前先加上去， 個醬汁都幾香，燒鵝啖啖肉又唔會好肥蜜汁叉燒口感好腍，唔會硬崩崩，加埋蜜汁甜甜地真係唔錯最後就係手撕雞， 今次就試吓辣味，估唔到都幾惹味屋企人都食到停唔到口