Ikigai Concepts (已結業)

鑒於屋企人今日正日生日 帶佢去食好嘢😋 拉埋哥哥四人同行一齊去食🥰呢間餐廳新開 去到餐廳差唔多滿座 好彩有訂位 座位闊落 環境乾淨 幽靜！我哋今次叫咗三個意粉一個牛扒😍 壽星公梗係要食牛扒 牛扒好厚身 叫左5成熟 肉質嫩滑唔鞋口 屋企人都話好食😋我哋三個試咗唔同味道嘅意粉 叫左個日式西西里紅蝦意粉、日本蕃茄意粉同北海道帆立貝三文魚籽意粉 每一款都各有特色 最鍾意日式西西里紅蝦意粉 蝦肉鮮甜彈牙 紅蝦有我隻手掌咁大隻🤣 四個人賣單都只係一千蚊鬆啲 性價比好高 生日、紀念日都可以考慮吓去呢間🙈 食返個有質素嘅晚餐🤣