茶涮涮 (已結業)

今日出咗糧，決定帶屋企人出去食餐好嘅，最後搵咗一間銅鑼灣嘅和牛湯鍋！😍🥰佢個location都算方便，喺銅鑼灣海灣大廈地下，算係一個比較容易搵嘅地方。 門面，室內嘅設計同餐具都走日系風， 真係唔講唔知以為自己去咗日本🇯🇵入到去我哋即刻點菜，首先叫咗個信州白味噌和牛湯鍋，奶白色嘅湯有非常濃郁嘅味噌同牛肉的鮮味！而且入邊有好多蔬菜，令到個湯有蔬菜嘅甜味。煮餸超好食嘅媽媽都覺得整得好好,食材好新鮮👍🏻我仲叫咗美國特選黑豚肉 ，個厚到切到啱啱好，唔會覺得太薄弱唔會覺得太厚，而且呢黑豚肉嘅豬肉味特別重， 就算唔點任何醬汁都非常好味。六頭南非大虎蝦（2隻）， 好少見到虎蝦係咁大隻，雖然佢切咗先上枱,我就咁睇佢嘅size就覺得佢有我手掌咁大隻，☺️☺️食落口好甜，好彈牙, 好爽口。日本廣島蠔肉 ，佢都算好大隻，熟咗之後成隻都係脹卜卜，好豐滿。食落口就覺得好Creamy,蠔味同海水味都好重😍😍我屋企人都覺得呢一餐味道好好，覺得食材好新鮮👍🏻😋