影片
更多
2019-06-07
85 浏览
廚師嘅心機 係餐廳最寶貴嘅資源💕喺地少人多嘅香港，除咗住宅越起越高，唔少餐廳都開始喺好高嘅大廈上面營業，當然隨著樓層越高，價錢相對都會越貴。甚少有機會食到咁高級嘅餐廳，通常都係慶祝節日先會食。呢日同屋企人慶祝生日，帶佢哋嚟咗銅鑼灣呢一間🌟中西fusion嘅西餐廳，一覽銅鑼灣與跑馬地嘅景色，未用餐已經覺得相當興奮。餐廳有三層，最底層係酒吧，中間係餐廳，最高天台，如果有活動，包場派對坐喺上面飲酒觀星感覺應該唔錯😀我哋當然抱住好大嘅期望去用餐，因為見到食評都有正面嘅評價，而呢一餐晚飯我哋絕對冇失望而回。從前菜、湯、頭盤到甜品每一樣都食得出廚師嘅用心，當中我一定要介紹嘅係😋蜜汁叉燒。叉燒軟稔得利相當入味，唔會帶好多肥膏，肉質 幼嫩之餘入口唔使花好大嘅力就能夠咬得開；點心類嘅黑松露素餃，比酒樓嗰啲更加出色，不能相提並論，皮薄得嚟之餘餡料嘅比例亦都好均勻， 估唔到素餃冇咗肉香都能夠有一種令人充滿記憶嘅味道❤️黑松露味滲出令成個點心變得更加高尚。主菜嘅日本青芥末生菜盞係我朋友嘅大愛，泰國生菜包通常都會用好多肉碎加埋羅勒，呢度嘅生菜盞，肉碎唔油之餘中間亦加入咗唔同嘅配料粒，口感突出👍.呢一間餐廳每一樣食
喺地少人多嘅香港，除咗住宅越起越高，唔少餐廳都開始喺好高嘅大廈上面營業，當然隨著樓層越高，價錢相對都會越貴。甚少有機會食到咁高級嘅餐廳，通常都係慶祝節日先會食。呢日同屋企人慶祝生日，帶佢哋嚟咗銅鑼灣呢一間🌟中西fusion嘅西餐廳，一覽銅鑼灣與跑馬地嘅景色，未用餐已經覺得相當興奮。
餐廳有三層，最底層係酒吧，中間係餐廳，最高天台，如果有活動，包場派對坐喺上面飲酒觀星感覺應該唔錯😀
我哋當然抱住好大嘅期望去用餐，因為見到食評都有正面嘅評價，而呢一餐晚飯我哋絕對冇失望而回。從前菜、湯、頭盤到甜品每一樣都食得出廚師嘅用心，當中我一定要介紹嘅係😋蜜汁叉燒。
叉燒軟稔得利相當入味，唔會帶好多肥膏，肉質 幼嫩之餘入口唔使花好大嘅力就能夠咬得開；點心類嘅黑松露素餃，比酒樓嗰啲更加出色，不能相提並論，皮薄得嚟之餘餡料嘅比例亦都好均勻， 估唔到素餃冇咗肉香都能夠有一種令人充滿記憶嘅味道❤️黑松露味滲出令成個點心變得更加高尚。
主菜嘅日本青芥末生菜盞係我朋友嘅大愛，泰國生菜包通常都會用好多肉碎加埋羅勒，呢度嘅生菜盞，肉碎唔油之餘中間亦加入咗唔同嘅配料粒，口感突出👍
.
呢一間餐廳每一樣食物都好精緻，但係所謂嘅精緻，唔係份量多與少，而係你會食得出一種用心嘅滿足。成餐飯以一個好完美嘅山楂糕完結，唔會太甜，人生有時都要好好善待下自己🥰
张贴
