Bellevue Bar and Grill (已結業)

紀念日遇上疫情，冇晚市堂食，不過都想搵返間精緻啲嘅餐廳慶祝，就揀咗呢間位於油麻地嘅Bellevue Bar and Grill。呢間餐廳位於23樓，景觀非常開揚，其實午市嚟氣氛絕對不比晚市遜色。而且呢度嘅裝修都好適合情侶嚟慶祝紀念日，亦適合大夥兒包場玩返晚，希望疫情過後都有機會試吓。午市套餐性價比高，以呢度嘅食物同服務質素嚟講，呢個定價相當合理。我哋選擇咗一set 1+2+3，包括有溫室菠菜苗伴帕爾馬火腿，沙律配以黑醋汁，喺沙律雜菜之上再特別加有菠菜，配合埋Parma Ham口感就更加豐富。藜麥火箭菜沙律雖然比較簡單，而我就特別鍾意沙律菜配上藜麥，有益健康又有𡁻口。呢度嘅餐包都比較特別，自家製嘅麵包入面加入咗粟米同亞麻籽，所以麵包帶黃色，食落亦甜甜哋，溫暖嘅麵包其實唔需要牛油都已經夠晒好味。是日餐湯係甘筍雞肉粒忌廉湯，入面嘅粒粒除咗有麵包粒之外，亦有雞肉粒，好少飲到充滿肉粒嘅忌廉湯，份外滋味。主菜方面，我哋揀咗香煎牛油海蝦伴黑松露忌廉意粉，佢嘅海蝦又大又爽口，而且有五大隻，絕對物有所值。意粉汁充滿黑松露嘅香味，再配以其他菇菌，呢個意粉真係好啱我口味。 哥頓布豬扒伴他他醬就比較精緻，豬扒