發記甜品 (已結業)

今日下午我們去咗深井嘅「發記甜品」食甜品！我們叫咗紅運當頭係用紅豆、椰果、花奶同芒果汁組合而成，味道怪怪咁！綠豆沙涼粉嘅涼粉好似雪到壞咗咁，味道亦都係好怪！朱古力綿花冰嘅綿花冰入口即溶，朱古力嘅味道都幾濃郁！糖不甩都幾煙煙韌韌，味道唔會過甜！木瓜鮮奶相當稠身，味道就比較淡！紅豆沙芝麻湯圓嘅紅豆沙極之稀，好似一碗紅豆水咁，味道係淡而無味！另外！店員嘅服務態度超級差，落單嗰陣，表姐話要杯香蕉鮮奶，佢無回應有冇，等咗好耐都無嚟到，我們問點解咁耐都未嚟？佢用極之無禮貌嘅態度答話我們無香蕉鮮奶呢樣嘢！我們話如果無嘅話你應該一早同我們講，而唔係要我們等咗咁耐先嚟話無！我們再問會唔會有杯清水可以畀我們？佢亦都係用超差嘅語氣答無喎！你要嘅話就畀錢買啦！經過今次之後，將來如果他們推出免費大贈送任食嘅話，我們都絕對唔會再入嚟食！