影片
更多
2010-01-13
5 浏览
一月二號, 一於食餐好!!上次想食omakase, 都已經想黎呢度. 但係第一次去, 通常唔會食到咁貴, 而會係食個 lunch 探一探虛實先. (個omakase就去左試利久庵, 三舊幾水平平地好多野食)黎得kenjo, 梗係主打壽司啦.. 所以諗都唔諗就叫左:1) 自選壽司 八件 + 吞拿魚卷- 海膽- 吞拿魚腩 (toro)- 三文魚子- 沙甸- 池魚- 油甘魚- ? 魚 (好可惜, 唔記得左叫乜野名; 唔係大路野)- 生蝦2) 壽司定食 (sushi set)3) 散叫一件 吞拿魚鮫壽司兩個set 都有跟埋蒸蛋, 味噌湯, 同雪糕... 光看魚的光鮮度, 已知屬新鮮貨色... 吃下去更覺鮮味.. 其中..三文魚子.. 可以話係最好食嘅一樣. 另一間令我有咁深刻印象嘅係銅鑼灣原澗. 一d 腥都冇, 大大粒好鮮甜.. 將三文魚子最好嘅味道浮現哂出黎.海膽亦很新鮮, 不過欠缺一份鮮甜嘅海水味. 當然我唔係原隻即開即食, 所以呢個水平已很滿意.人人讚吞拿魚腩, 對佢期望頗高. 食落發覺僅屬中吞拿魚行列. 有少少打左折扣. 其實又諗返轉頭, $200一個set, 唔可能俾一舊值 百幾二
上次想食omakase, 都已經想黎呢度. 但係第一次去, 通常唔會食到咁貴, 而會係食個 lunch 探一探虛實先. (個omakase就去左試利久庵, 三舊幾水平平地好多野食)
黎得kenjo, 梗係主打壽司啦.. 所以諗都唔諗就叫左:
1) 自選壽司 八件 + 吞拿魚卷
- 海膽
- 吞拿魚腩 (toro)
- 三文魚子
- 沙甸
- 池魚
- 油甘魚
- ? 魚 (好可惜, 唔記得左叫乜野名; 唔係大路野)
- 生蝦
2) 壽司定食 (sushi set)
3) 散叫一件 吞拿魚鮫壽司
兩個set 都有跟埋蒸蛋, 味噌湯, 同雪糕...
光看魚的光鮮度, 已知屬新鮮貨色... 吃下去更覺鮮味.. 其中..
三文魚子.. 可以話係最好食嘅一樣. 另一間令我有咁深刻印象嘅係銅鑼灣原澗. 一d 腥都冇, 大大粒好鮮甜.. 將三文魚子最好嘅味道浮現哂出黎.
海膽亦很新鮮, 不過欠缺一份鮮甜嘅海水味. 當然我唔係原隻即開即食, 所以呢個水平已很滿意.
人人讚吞拿魚腩, 對佢期望頗高. 食落發覺僅屬中吞拿魚行列. 有少少打左折扣. 其實又諗返轉頭, $200一個set, 唔可能俾一舊值 百幾二百蚊嘅 o-toro 你嘅.. 中吞拿魚腩都夠抵食啦!
池魚同沙甸係 today special. 當然, 一d 都冇令我失望啦. 可惜秋刀魚過左season, 如果唔係.. 就可以.. 試埋. 自從去過原澗食過一件驚世秋刀之後, 就開始每年一到season 就周圍揾靚秋刀~
吞拿魚鮫壽司係特登慕名而叫嘅. 招牌野喎. $70一件.. 如果食一餐高水準壽司dinner, 一d 都唔算貴. 但係家下食緊舊零水一個 lunch 咁叫呢.. 當然好似有d 唔抵咁啦. 魚鮫不嬲都係我最鍾意食嘅魚一部份(老豆教落). 輕輕燒過嘅魚鮫有一點點油脂滲出來. 非常香口. 如果下一次 o係呢度晚膳, 一定會再 order...
如果話抵食.. 呢個 Sushi Set 仲抵...有五件魚生壽司, 又有碎魚生飯, 卷物, 腐皮壽司跟埋.. 係可以$150食到夠嘅靚日本菜.. 好難得架.
食一個咁正嘅 lunch sushi set, 可以去'置地賀菊', '銅鑼灣原澗', 水準相若. 三舊零水都可以埋到單. 價錢當然包埋地點同裝修啦. 今次兩個人唔洗四舊水就試到咁多件同咁高水準嘅魚生. 呢個價錢認真超值!
p.s. 我平時普普通通一個 lunch 可以係十零廿蚊架咋. 不過唔係平就係抵, 貴就係唔值嘅. 抵食與否, 味道, 賣相, 環境, 服務, 等等 係往往同 價錢 環環相扣.
张贴
