波菲 (已結業)

每日朝早返工, 唔係去凱施就係黎波菲買麵包當早餐, 今次係第二次放工黎買cake試, 買咗一件 朱古力千層 同 mocha cheese朱古力千層 – 可能大家同我一樣, 食之前會以為好似拿破崙咁, 其實同我第一次試o既黑魔鬼差唔多, 都係朱古力醬加上朱古力蛋糕, 不過我覺得佢o既朱古力味道唔錯, 尤其係面頭一層朱古力醬o既味道都幾rich, 喜歡朱古力o既朋友應該會幾鍾意, 論造型我就覺得黑魔鬼吸引d喇!Mocha Cheese – 擺咗喺雪櫃一日一夜先食, 重擔心會走晒d味, 點知一拎件cake出黎就聞到一陣咖啡奶油o既香味, 令人一陣驚喜, 食落味道都唔錯, 食得出cream cheese o既味道, 個人認為cream cheese o既味道略為加d甜會更適合呢件蛋糕