尚上下夏 - 養生雞煲火鍋 (已結業)

尚上下夏聽講很久，講說呢個雞煲同城中我愛辣魚蛋一樣，非常有個性的雞煲，讓你一吃就好有印象個隻。呢個下午兩個人無book位，下午五點幾就食，餐廳竟然都半滿。醬芥當然係要計的，混醬就簡單一點，不過講真，雞煲醬汁咁強，邊需要混醬。兩個人只點了半隻雞，驚食唔哂，雞件算足，原來呢到有得選雞脾，雞胸，看了喜歡那一種肉。雞煲入面有幾多的豬皮同芫茜，雞當然夠滑，而且都真係有多件雞胸，我想像唔到剩點雞胸或者雞髀究竟會有幾多。黑豚肉幾好，不過相對份量少，得四塊$68較為普通。四川苕粉好適合呢個雞煲嘅調子，麻香加其他藥材嘅香令到呢個苕粉更加吸味。凍芋頭同千頁冰豆腐又係同四川苕粉係好朋友，識叫一定咁叫。雜菜籃真係乜都有，不過唔好太遲落，如果唔係，會好吸味。都費事叫其他嘢現成飲品，降壓解脂洛神花茶係自家做，下下火都唔錯。值得一睇，愛貓嘅人一定好鍾意呢間野，周圍都係貓，欣賞下裝飾都係一件賞心樂事。