影片
更多
2023-08-07
679 浏览
系金巴利道有间独一无二嘅餐厅 同周围嘅韩国餐厅唔同 老细系纯正北京人 唔单止卖北京水饺 都仲有D其他北方馅饼 门口贴满左老细同明星嘅合照 应该都系间明星小店😎可以同老细讲广东话 但系听到佢地自己讲嘅北京腔再听佢地讲广东话都觉得好劲！🥟白菜猪肉水饺（酸辣汤底）💰54+6呢度水饺都有好多种选择 要试一间饺子好冇食 咁就要睇下最基础嘅白菜猪肉好唔好食！一般有8只 但系转汤底就少返只 我地转左酸辣汤底 只系+$6但系料多到太惊喜😭酸辣汤入面有牛肚 木耳丝 豆腐 鸡蛋同猪红 酸酸地都好开胃 辣度系可以接受的😎讲返正题 饺子皮厚！系纯正嘅北方水饺皮！仲捏成一个三角样 好似糖三角咁 咬开馅都唔认输 超大一旧嘅猪肉连著白菜同葱口感好正 肥肉存在感唔高 但系就都系略咸左D😞整体好好！🌯北京馅饼💰17呢个系人气推荐！牛肉馅饼新鲜炸起热腾腾 仲好贴心咁cut开四块 碟上面都见到新鲜滚热辣流出来嘅油汁 饼皮焦脆都几厚 饼身就比较软D 都几厚实 虽然咬开个阵有油水渗出来但系唔会觉得过油同埋热气！牛肉同香葱嘅搭配增添左馅饼嘅香味 香葱被煎得出汁减少左牛肉嘅咸味😗真系必食！个人觉得如果食开九龙城个间牛肉饼都可以试下
系金巴利道有间独一无二嘅餐厅 同周围嘅韩国餐厅唔同 老细系纯正北京人 唔单止卖北京水饺 都仲有D其他北方馅饼 门口贴满左老细同明星嘅合照 应该都系间明星小店😎可以同老细讲广东话 但系听到佢地自己讲嘅北京腔再听佢地讲广东话都觉得好劲！
🥟白菜猪肉水饺（酸辣汤底）
💰54+6
呢度水饺都有好多种选择 要试一间饺子好冇食 咁就要睇下最基础嘅白菜猪肉好唔好食！一般有8只 但系转汤底就少返只 我地转左酸辣汤底 只系+$6但系料多到太惊喜😭酸辣汤入面有牛肚 木耳丝 豆腐 鸡蛋同猪红 酸酸地都好开胃 辣度系可以接受的😎讲返正题 饺子皮厚！系纯正嘅北方水饺皮！仲捏成一个三角样 好似糖三角咁 咬开馅都唔认输 超大一旧嘅猪肉连著白菜同葱口感好正 肥肉存在感唔高 但系就都系略咸左D😞整体好好！
🌯北京馅饼
💰17
呢个系人气推荐！牛肉馅饼新鲜炸起热腾腾 仲好贴心咁cut开四块 碟上面都见到新鲜滚热辣流出来嘅油汁 饼皮焦脆都几厚 饼身就比较软D 都几厚实 虽然咬开个阵有油水渗出来但系唔会觉得过油同埋热气！牛肉同香葱嘅搭配增添左馅饼嘅香味 香葱被煎得出汁减少左牛肉嘅咸味😗真系必食！个人觉得如果食开九龙城个间牛肉饼都可以试下呢间！（当然清真牛肉饼世一！）
🌯羊肉大葱馅饼
💰22
呢个同招牌北京馅饼嘅唔同就系内馅变左羊肉 羊肉同大葱嘅颜色都冇牛肉个款咁重 好彩羊肉味道都唔膻 不过就系炸左一阵暖暖地 如果热辣辣应该会仲多汁！
🥠蕃薯豆沙
💰25
仲以为呢个系高力豆沙 但系原来系deep fried嘅糯米球🤣同炸汤圆都几似 入面糯米粉比例较高 所以口感都几粉几厚 入面豆沙好顺滑唔甜腻 未试过都可以试下！
呢度仲有好多口味嘅水饺 可以买生嘅一打打返去自己煮 都有好多人过来专登买馅饼 钟意皮厚嘅真系要试下北方口味！
📌 北京水饺店 (尖沙咀)
尖沙咀柯士甸路17号丰乐大厦地下1号舖
张贴
