影片
更多
2023-02-06
102 浏览
📌 云手工火鍋店 - 尖沙咀加連威老道20號瑞生尖沙咀酒店3樓🗓(1/2) 星期三 ⏰ 晚上7:30左右💈特式：今日咁啱去開尖沙咀，又見天氣都仲有d凍就想食火鍋，但任食火鍋成日都食，所以今日反而想搵返間有質素嘅手工火鍋店，上openrice一睇，見到呢間評價竟然去到349好評對1個負評，見到咁一面倒嘅正面評價就決定去試下。🥩🍔🌭🌮🥗🥯🥘🍲🍝🍣🥟🍤🍱食物：首先見到佢地火鍋湯底都幾有自己嘅特式，例如松茸雞翅冬瓜魚湯鍋/火焰三椰雞鍋/火焰沙白蟹鍋等等，另外餐廳主打佢地自家製嘅丸類同餃類，一坐低店員就會提供一個九宮格咁嘅調味盤比客人自己調配醬料，而家等我同大家講下🍲味道先。湯底 - 湯底我就揀左松茸雞翅冬瓜魚湯鍋，鍋內有半隻新鮮三黃雞，素翅同好大個冬瓜，最特別係湯頭係用鮮魚湯底，煲完就係魚同雞湯混合，兩隻味可同時擁有，啖湯飲落完全無味精，係好滑嘅奶白魚湯夾雜住鮮雞味同冬瓜嘅清甜味，飲完仲會有陣松茸味徘徊係口腔，而且d雞件肉滑味濃，差唔多比我飲到唔夠湯食火鍋咁滯。另外，上鍋時店員好詳細咁講解個湯底同會幫手烹熬同處理個大冬瓜。肉類 - 因為牛頸脊/封門柳/肥牛個d都比較常見，所以我就揀左牛心掟同秘
🗓(1/2) 星期三 ⏰ 晚上7:30左右
💈特式：今日咁啱去開尖沙咀，又見天氣都仲有d凍就想食火鍋，但任食火鍋成日都食，所以今日反而想搵返間有質素嘅手工火鍋店，上openrice一睇，見到呢間評價竟然去到349好評對1個負評，見到咁一面倒嘅正面評價就決定去試下。
🥩🍔🌭🌮🥗🥯🥘🍲🍝🍣🥟🍤🍱
食物：首先見到佢地火鍋湯底都幾有自己嘅特式，例如松茸雞翅冬瓜魚湯鍋/火焰三椰雞鍋/火焰沙白蟹鍋等等，另外餐廳主打佢地自家製嘅丸類同餃類，一坐低店員就會提供一個九宮格咁嘅調味盤比客人自己調配醬料，而家等我同大家講下🍲味道先。
湯底 - 湯底我就揀左松茸雞翅冬瓜魚湯鍋，鍋內有半隻新鮮三黃雞，素翅同好大個冬瓜，最特別係湯頭係用鮮魚湯底，煲完就係魚同雞湯混合，兩隻味可同時擁有，啖湯飲落完全無味精，係好滑嘅奶白魚湯夾雜住鮮雞味同冬瓜嘅清甜味，飲完仲會有陣松茸味徘徊係口腔，而且d雞件肉滑味濃，差唔多比我飲到唔夠湯食火鍋咁滯。另外，上鍋時店員好詳細咁講解個湯底同會幫手烹熬同處理個大冬瓜。
肉類 - 因為牛頸脊/封門柳/肥牛個d都比較常見，所以我就揀左牛心掟同秘製蝴蝶腩呢d比較特式d嘅肉類，牛心掟個質感類似牛黃喉，但口感同味道更佳；而蝴蝶腩就勝左有筋膜位連住，入口淋滑又唔韌，仲好香牛臊味，正到一個點。
呢度有個好處就係丸類/餃類都可以揀半份，咁就可以試多d唔同口味食物。
丸類 - 我就揀左香煎鵝肝墨魚丸同手打鹹蛋黃蝦丸，香煎鵝肝墨魚丸咬到有好足料墨魚粒，仲有好香鵝肝味。另外，佢個手打鹹蛋黃蝦丸雖然細細粒，但咬落去都好彈牙，仲食到粒粒蝦肉，而且入面仲有流心質地嘅鹹蛋黃，兩隻都好推介，食到停唔到口。
餃類 - 餃我就揀左黑松露蟹肉餃，出面入貨同自家手工製嘅餃真係無得比，佢d自家製餃皮薄又煙靭，餡料又多，食到好香黑松露味，同埋蟹肉嘅份量好多，成隻餃表現得好出色，下次真係會試埋佢其餘口味嘅手工餃，尤其是今日已售罄嘅竹笙帶子香菇餃。
☕️🍵🥤🧋🍺🍷🥃🍹🧉🍾🍶🥛
飲品 : 餐廳亦有唔少特飲選擇，包括有酒精或無酒精都各有幾款，睇menu都覺得好靚好吸引，另外仲有一般啤酒/汽水/竹蔗茅根/酸梅湯及其他果汁等等，有需要仲可以問店員攞茶，佢地係會用一個新嘅茶包泡壼茶比你，茶味都唔錯。
🍽環境：餐廳環境好靚，靚到唔似一間火鍋店，反而似一間西餐廳多d，餐廳有不少卡位，環境光猛/新淨/整潔，整體感覺坐得好舒服，又完全無油煙味。
🤵🏻🤵🏻♀️🤵🏻♂️服務：店員服務態度亦好好，一坐低就好詳細咁介紹佢地餐廳嘅特式湯底，時令海鮮/刺身，menu上有咩食材已售罄等等，店員亦有不時有幫忙留意個鍋底有無需要加湯同調較合適火力。
💰💸價錢：叫左個松茸雞翅冬瓜魚湯鍋同以上火鍋料，埋單大約$900，以佢出色嘅鍋底同咁高嘅食物質素，尤其係佢地個湯底同手工食品，而且仲要位處尖沙咀旺區，價錢都算合理範圍。
🐲💬總結：我覺得呢間手工火鍋都做得好出色，環境亦舒服，雖然價錢唔講得話好平，但勝左質素取勝，見佢做有唔少時令海鮮同刺身提供，期待下次有特別慶祝日嚟試埋佢地。
推薦指數：❤️❤️❤️❤️❤️
3 浏览
0 赞好
0 留言
7 浏览
0 赞好
0 留言
2 浏览
0 赞好
0 留言
1 浏览
0 赞好
0 留言
1 浏览
0 赞好
0 留言
张贴
