前菜三小點好開胃，牛蒡、漬茄子、煙燻雞肉
煙燻雞肉最得我心～青木瓜沙律清新爽脆，正好為之後嘅濃味菜式鋪路！
.
👑🦐大虎蝦係全場焦點！師傅即場拆殼，將蝦腳煎到脆卜卜好似蝦餅咁，仲用蝦膏整成醬汁，蝦肉爽口彈牙到不得了～最正係連頭連腳全隻可食，儀式感滿分！
🐚鮮活帶子鋪喺菠菜上，淋上牛油清酒汁，香氣逼人！帶子鮮甜嫩滑，個汁撈埋菠菜食真係無得頂～
🥚茶碗蒸有驚喜！面頭係鰹魚湯汁，底層有木耳絲，仲加咗黑松露油提升檔次，滑溜得嚟層次豐富！
🇺🇸Prime肉眼薄燒卷包住雜菇，比起傳統蔥花更juicy～牛肉油脂香混合菇菌清新，創意同味道兼備！
🍚鐵板炒飯炒到粒粒分明，雞蛋香氣十足～
豆乳味噌湯豆香濃郁，幾特別！
🍨升級焦糖多士為盛宴畫完美句號！師傅將麵包煎到金黃脆身，灑上日本砂糖做到焦糖效果，簡單材料顯功架～
午市套餐有8折，晚市88折，以呢個質素真係算抵食！師傅手勢純熟，每道菜講解詳細，一個人食都絕唔尷尬～已經mark實下次帶朋友encore！
