牛匠石燒 (已結業)

風起入秋🍂又係食燒肉嘅季節了！尖沙咀金馬倫道一向出名多嘢食，今日就嚟試吓呢間牛匠石燒石燒表面有一層紙，店員見你燒到咁上下燶就會幫你換。會比磚牛脂開爐，令到冇咁易癡底。仲會比一條紙圍裙，咁就唔怕彈到污糟啦😌呢個特色根本乜都有啲啱晒選擇困難症嘅你，包括一口牛，封門柳、牛肋肉、牛舌、雞頸肉、A4和牛肩肉、牛胸護肉、西班牙黑豚、M9牛胸肉每款肉都好高質牛味濃！最中意一口牛，厚度剛好，燒到四邊金黃咬開都仲係medium!雞頸肉爽嫩，牛胸肉同和牛肋肉入口即化😋可惜每樣得兩舊，一人一塊唔夠喉🥲溫泉蛋配日本米加飯素簡直係最佳撈飯組合😍唔使燒肉都可以食晒成碗飯烏冬扁身煙韌又頗彈牙，微酸似鰹魚湯嘅烏冬汁非常開胃，肉未熟嘅時侯醫肚一流牛匠彩虹水果茶水果種類非常豐富，一揸咁上吸淨又可以兩個人分嚟飲！冇得走甜，好彩少甜都唔太甜，好適合食燒肉嘅時候解膩芝上奶蓋四季春四季春淡香微甘，芝士奶蓋綿密，識落似雪糕多過芝士，冇乜鹹味。飯後仲會送上蜜瓜，清清口腔都唔錯😌ps. 機械送餐機好可愛！