牛匠石燒 (已結業)

今日好想去食燒肉，但係又唔想食放題嗰類型，食得太飽太撐，就揀咗呢間係尖沙咀嘅燒肉 餐廳環境都幾舒服 有套餐同單點為主，想食幾多就叫幾多 而且仲有其他小食或者一品料理。我哋叫咗牛小排，燒肉入邊我就最鍾意食牛小排，肉質比較𦁤身，店員話燒到五成熟就可以，而且我見牛肉色水油花都幾好 幾新鮮。另外叫咗一個比較特別嘅雞頸肉，佢嘅口感好特別，好彈牙嘅肉質 同一般嘅雞肉唔同，而且有比較濃郁嘅雞肉味。另外重點咗個明太子玉子燒，同埋燒原條魷魚🦑，原條魷魚好大條份量好多，醬汁甜甜地 好岩味，我哋想再食熱啲就拎去過路到燒一燒😂另外仲有一人一個飯同烏冬份量好足，尤其是溫泉蛋味素飯好豐富，撈埋牛肉汁好好食👍🏻👍🏻最後飲品要左草莓乳酸同埋水果茶，水果茶用咗超大量嘅水果，而且仲有一大嚿燒過嘅菠蘿🍍，餐廳連飲品都做得好有誠意👍🏻