影片
更多
2024-01-09
45 浏览
同朋友慶祝生日，佢又鐘意食日本野，又想有靚靚既海景，又可以飲返兩杯就係尖沙咀搵左間鐵板燒，可以滿足曬三個願望餐廳位於商場高層，落地大玻璃包圍住，環境開揚，室內設計優雅仲有多個鐵板燒吧枱位置，可以近距離觀賞廚師即席烹調，視覺同味覺既享受另外仲有私人包廂，想一大班朋友享受高質鐵板燒都非常合適店員服務殷勤有禮，每道菜都會用心介紹食材及品嘗方法，值得一讚食物方面 :Honey Moon : 用上菠蘿及番石榴再加上蜜糖打成泡泡，味道酸甜，口感清爽既特飲Sorrento Limited Edition : 用 Prosecco 氣泡酒做基調，伴上接骨木花甜酒、金桔、蜂蜜檸檬汁製成，口感甜甜易於入口既 cocktail海賀二人套餐無花果蟹肉沙律 : 無花果及沙律菜味道清甜，蟹肉鮮甜，味道清爽三文魚籽伴海雲醋 : 沖繩水雲味道清爽，配上三文魚籽增加鹹鮮味，酸酸甜甜，味道開胃，打開味蕾磯煮鮑魚 : 南非鮑魚用醬汁及昆布慢火去炆，肉質保持鮮嫩彈牙，濃郁湯汁鎖住係鮑魚，日本大根煮到軟淋，再配上味道濃郁既鮑肝醬，可以試到濃淡兩種味道鵝肝 : 鵝肝外脆內軟，入口即溶，配上香脆多士及黑蒜汁，超美味既鵝肝多士，之
就係尖沙咀搵左間鐵板燒，可以滿足曬三個願望
餐廳位於商場高層，落地大玻璃包圍住，環境開揚，室內設計優雅
仲有多個鐵板燒吧枱位置，可以近距離觀賞廚師即席烹調，視覺同味覺既享受
另外仲有私人包廂，想一大班朋友享受高質鐵板燒都非常合適
店員服務殷勤有禮，每道菜都會用心介紹食材及品嘗方法，值得一讚
食物方面 :
Honey Moon : 用上菠蘿及番石榴再加上蜜糖打成泡泡，味道酸甜，口感清爽既特飲
Sorrento Limited Edition : 用 Prosecco 氣泡酒做基調，伴上接骨木花甜酒、金桔、蜂蜜檸檬汁製成，口感甜甜易於入口既 cocktail
海賀二人套餐
無花果蟹肉沙律 : 無花果及沙律菜味道清甜，蟹肉鮮甜，味道清爽
三文魚籽伴海雲醋 : 沖繩水雲味道清爽，配上三文魚籽增加鹹鮮味，酸酸甜甜，味道開胃，打開味蕾
磯煮鮑魚 : 南非鮑魚用醬汁及昆布慢火去炆，肉質保持鮮嫩彈牙，濃郁湯汁鎖住係鮑魚，日本大根煮到軟淋，再配上味道濃郁既鮑肝醬，可以試到濃淡兩種味道
鵝肝 : 鵝肝外脆內軟，入口即溶，配上香脆多士及黑蒜汁，超美味既鵝肝多士，之後食埋新鮮既生果，仲可以去除油膩感
大蝦 : 大蝦用檸檬汁同牛油煎到香口，爽口彈牙，蝦頭煎到味道香濃，蘸上蟹膏醬再配埋多士食，味道更突顯鮮味
A4 宮崎牛 : 和牛肉眼片紋路霜降狀油花細緻，相當厚身，選擇五成熟，和牛香氣濃厚鮮嫩多汁充滿油脂感，再配上香脆炸蒜片及黑松露醬，味道濃郁極致美味
黑松露和牛 / 櫻花蝦炒飯 : 同朋友每人選擇一款炒飯開心 share ，炒飯炒到非常乾身，粒粒分明，和牛粒油脂比炒飯吸收曬，油香味十足，櫻花蝦炒得香口，鹹香味十足，再配上漬物、味噌湯，非常完美
甜品：選擇左抹茶芝士蛋糕，抹茶慕絲有淡淡回甘味，再配埋濃郁滑既芝士蛋糕，為完美既一餐做總結
张贴
