云手工火鍋店

营业中

休息中

年尾特別多飯局，今晚約左去尖沙咀，打邊爐就最好不過，可以慢慢食慢慢傾計～呢間餐廳位於瑞生酒店入面，想黎食嘅原因係俾佢嘅湯底吸引住，好多都好吸引，重點係好足料😍🔸湯底▪️金湯花膠雞鍋🐔🍲望見幅圖都知真材實料，賣相仲非常精緻，外層係炸腐皮，包到好似個巨型福袋咁～剪開後內裡有花膠、雞件同素翅，份量非常之多！未開始打邊爐先飲左幾碗湯暖暖胃先，再食埋d料其實我已經飽左一半🤣 堅足料～～🔸小食▪️風沙粟米🌽粟米外層灑滿椒鹽，非常惹味，粟米亦好大粒好甜！🔸火鍋料▪️手打黑松露墨魚丸墨丸好彈牙！！黑松露味好出，食到粒粒墨魚肉，真心唔錯！▪️手打鹹蛋黃蝦丸蝦丸咬開後有鹹蛋黃包心，小心辣口～蝦丸口感相對厚實少少，但都算彈牙！▪️黑松露蟹肉餃🥟餃都幾大隻，又足料，咬開食到好香黑松露味！▪️西洋菜個人好鍾意打邊爐食西洋菜，甜甜地咁口感又好，份量超多，夠晒兩個人食▪️稻庭烏冬最後點多個稻庭烏冬，口感彈牙！▪️竹蔗茅根清清地咁，打邊爐岩晒，唔怕好似飲汽水咁成肚氣～整體餐廳環境唔錯，坐得舒服，而食物質素亦相當高質，非常滿足嘅一餐，會再encore！👍🏻