影片
更多
2023-07-04
5241 浏览
香港老飯店呢個名，未食過都聽過！咁啱有朋友返咗香港，又想食返啲中菜，於是就把握呢個機會去試吓呢間老字號🥢 因為係星期五夜晚食，所以我哋都有特登打去book定位，唔知係咪因為有book枱，所以安排咗我哋坐喺房入面，環境比較寧靜，幾啱幾個人食飯傾偈！ 合桃燻蛋 3隻 （$114）無錫脆鱔 （$160）清炒蝦仁 （$298)蔥爆牛肉 （$148）火腿津白 （$138）酸辣湯（例）（$148）小籠包（10隻）（$140）豆沙鍋餅 （$150）酒釀丸子 （$60） 我哋五個人食，都嗌咗唔少餸，所以就唔逐一講啦，但整體嚟講，佢哋嘅嘢食好有質素，對得住個價錢。有幾款菜式特別值得推介！ 合桃燻蛋 佢哋嘅燻蛋係逐隻咁嗌嘅，仲會幫我哋開邊，所以我哋五個人嗌三隻就夠啦。燻蛋嘅煙燻味唔算好濃，係有少少可惜，但蛋黃呈流心狀，食落有啲似食溏心蛋，口感唔錯。而最好食嘅我反而覺得係佢嘅琥珀合桃，食落甜度啱啱好，而且糖衣脆口，合桃鬆化，好好食，食到停唔到🥰 清炒蝦仁🍤🦐蝦仁雖然細細隻，但佢哋都處理得好乾淨，每粒望落白雪雪，食落爽口彈牙，唔霉唔腥，味道偏清淡，可以食到蝦仁嘅鮮甜，餸飯一流！ 小籠包 🥟佢哋嘅小籠包真係好好
因為係星期五夜晚食，所以我哋都有特登打去book定位，唔知係咪因為有book枱，所以安排咗我哋坐喺房入面，環境比較寧靜，幾啱幾個人食飯傾偈！
合桃燻蛋 3隻 （$114）
無錫脆鱔 （$160）
清炒蝦仁 （$298)
蔥爆牛肉 （$148）
火腿津白 （$138）
酸辣湯（例）（$148）
小籠包（10隻）（$140）
豆沙鍋餅 （$150）
酒釀丸子 （$60）
我哋五個人食，都嗌咗唔少餸，所以就唔逐一講啦，但整體嚟講，佢哋嘅嘢食好有質素，對得住個價錢。有幾款菜式特別值得推介！
合桃燻蛋
佢哋嘅燻蛋係逐隻咁嗌嘅，仲會幫我哋開邊，所以我哋五個人嗌三隻就夠啦。燻蛋嘅煙燻味唔算好濃，係有少少可惜，但蛋黃呈流心狀，食落有啲似食溏心蛋，口感唔錯。而最好食嘅我反而覺得係佢嘅琥珀合桃，食落甜度啱啱好，而且糖衣脆口，合桃鬆化，好好食，食到停唔到🥰
清炒蝦仁🍤🦐
蝦仁雖然細細隻，但佢哋都處理得好乾淨，每粒望落白雪雪，食落爽口彈牙，唔霉唔腥，味道偏清淡，可以食到蝦仁嘅鮮甜，餸飯一流！
小籠包 🥟
佢哋嘅小籠包真係好好食，皮薄餡靚，加上用嘅豬肉肥瘦剛剛好，唔會太瘦而嚡熠熠，最重要真係好多湯汁！
豆沙鍋餅 🥧
呢份豆沙窩餅都叫相當貴，但份量亦都相當足，而且好食嘅！紅豆蓉非常之細滑，食落唔膩，而窩餅嘅外層香脆，如果多人一齊share嗌呢個啱晒！
非常推介大家同屋企人嚟呢度食飯，老人家一定會幾鍾意❤️
张贴
