影片
更多
2025-04-18
64 浏览
💮甜蝦櫻鯛薄切 初鰹配洋蔥酸汁呢道菜擺盤精緻到唔捨得食！甜蝦同櫻鯛切成透光薄片，交疊成花瓣狀，淋上師傅特調嘅洋蔥酸汁，酸甜清新，完美帶出魚肉嘅鮮味。初鰹魚肉質柔嫩，微微炙燒過嘅魚皮香脆，同洋蔥嘅爽脆形成絕妙對比，口感豐富到極！ 💮大蜆清湯飲第一啖湯已經驚艷！湯底用咗昆布同蜆肉長時間熬煮，味道清澈但鮮味爆炸，仲有三隻肥美大蜆，蜆肉飽滿彈牙，完全冇沙，仲帶微微海水鹹香。飲完成個人暖笠笠，好舒服！ 💮煮春野菜海鮮廚皮呢道菜係季節限定，用咗當造嘅春野菜再加埋腐皮，配上鮮蝦同帶子，全部用高湯慢煮。蔬菜吸盡湯汁嘅精華，鮮甜得嚟帶微微苦甘，好有春天氣息。鮮蝦同帶子火候剛好，蝦肉爽彈，帶子柔嫩，廚師仲特意保留咗海鮮嘅原汁原味，正！ 💮鐵板燒蟶子皇配文也汁蟶子皇大到嚇親人！師傅喺鐵板上快速燒製，蟶子肉厚實彈牙，一啲都唔韌，仲保留住滿滿海水鮮味。特製嘅文也汁同蟶子嘅鮮味好夾。底下墊咗炒本身蟶子王嘅殼，擺盤非常靚！💮鐵板燒比目魚 配 蕃茄醬比目魚係今晚嘅亮點之一！師傅將魚皮煎到金黃脆口，魚肉卻保持嫩滑多汁，一啖咬落去，外脆內軟，魚油香氣四溢。配嘅蕃茄醬唔係普通茄汁，而係用新鮮蕃茄慢煮而成，帶少少酸香，
呢道菜擺盤精緻到唔捨得食！甜蝦同櫻鯛切成透光薄片，交疊成花瓣狀，淋上師傅特調嘅洋蔥酸汁，酸甜清新，完美帶出魚肉嘅鮮味。初鰹魚肉質柔嫩，微微炙燒過嘅魚皮香脆，同洋蔥嘅爽脆形成絕妙對比，口感豐富到極！
💮大蜆清湯
飲第一啖湯已經驚艷！湯底用咗昆布同蜆肉長時間熬煮，味道清澈但鮮味爆炸，仲有三隻肥美大蜆，蜆肉飽滿彈牙，完全冇沙，仲帶微微海水鹹香。飲完成個人暖笠笠，好舒服！
💮煮春野菜海鮮廚皮
呢道菜係季節限定，用咗當造嘅春野菜再加埋腐皮，配上鮮蝦同帶子，全部用高湯慢煮。蔬菜吸盡湯汁嘅精華，鮮甜得嚟帶微微苦甘，好有春天氣息。鮮蝦同帶子火候剛好，蝦肉爽彈，帶子柔嫩，廚師仲特意保留咗海鮮嘅原汁原味，正！
💮鐵板燒蟶子皇配文也汁
蟶子皇大到嚇親人！師傅喺鐵板上快速燒製，蟶子肉厚實彈牙，一啲都唔韌，仲保留住滿滿海水鮮味。特製嘅文也汁同蟶子嘅鮮味好夾。底下墊咗炒本身蟶子王嘅殼，擺盤非常靚！
💮鐵板燒比目魚 配 蕃茄醬
比目魚係今晚嘅亮點之一！師傅將魚皮煎到金黃脆口，魚肉卻保持嫩滑多汁，一啖咬落去，外脆內軟，魚油香氣四溢。配嘅蕃茄醬唔係普通茄汁，而係用新鮮蕃茄慢煮而成，帶少少酸香，完美中和魚油嘅膩感。旁邊伴碟嘅蕃茄飯都非常好食，喺餐廳特製嘅醬汁！
💮鐵板燒美國牛肉眼薄燒
牛肉眼薄燒係鐵板燒嘅經典！師傅選用美國Prime級牛肉，薄切後快速燒至五成熟，肉質粉嫩，入口即化，牛油香濃郁到不得了。配菜有炒香嘅蒜片，仲有自家製嘅醬汁，更帶出牛肉嘅甜味，層次感超豐富！
💮櫻花蝦炒飯
最後嘅主食係櫻花蝦炒飯，師傅喺鐵板上即炒，飯粒分明，鑊氣十足。櫻花蝦嘅鹹香同蛋香、蔥花完美融合，perfect!
呢間鐵板燒餐廳無論食材、烹調技巧同擺盤都係頂級水準，師傅對火候嘅掌控簡直出神入化，每一道菜都係味覺同視覺嘅享受。特別推薦蟶子皇同比目魚，鮮味爆燈！絕對物有所值，適合慶祝特別日子或者犒賞自己。下次再嚟，一定要試埋佢哋嘅龍蝦🦞
张贴
