串酒里 (已結業)

呢間位於尖沙咀山林道嘅串酒里，聽過好多人介紹，呢次終於有機會嚟試吓。川式脆燒雞軟骨 ：雞軟骨燒得夠香脆可口，口感爽脆，加埋川式嘅調味，令雞軟骨更加惹味。秘製醬汁香燒豬頸肉：豬頸肉燒得勁香口，加咗呢度秘製嘅醬汁，香氣四溢。未食都流哂口水，咬落肉汁豐富，令人一食上癮。鹽燒厚切牛舌 ：牛舌用咗厚切，再配以原汁原味嘅鹽燒，可以更能突出牛舌所帶嘅牛味，而口感因為用咗厚切，好有咬口，好juicy。黑松露沙律醬薯條：薯條即叫即炸，熱辣辣脆卜卜，加埋香味十足嘅黑松露沙律醬，令薯條味道層次立馬提昇數十倍。芥末雞翼：雞翼燒得外脆內嫩，肉汁滿滿，搽咗芥末一齊燒，令雞翼變得更加惹味可口。