3
9
‣ 非洲辣王雞煲 $350
用咗非洲嘅特有香料，呢隻味真係得呢間餐廳先食得到。好可惜自己唔係好食得辣，今次嗌咗小辣，朋友話再辣啲會更加香同埋好食。雞肉質地相當鮮嫩，雞件都唔少，雞煲嘅香味真係好有層次感，味道絕對唔單調。
‣ 店主太太特色炆牛尾 $170
我自己超級推薦炆牛尾，味道一流，而且我估計都係用非洲嘅香料，所以同出邊炆牛尾嘅味道絕對唔一樣。而且肉嘅份量都好多，牛尾炆到相當之軟淋，而且佢都係比較辣，但係辣得嚟幾過癮，大家一定要嗌。
‣ 蒜香薄餅 $50
店員推薦我嗌薄餅，於是就嗌嚟試吓，食落都幾重蒜香味，搭配牛尾同埋雞煲嘅醬汁真係一流，本身唔想食澱粉，但係都忍唔住嗌咗個薄餅。
