Paul's Kitchen

🍴 嘗試菜式1. Grilled Chicken Fajitas 烤雞墨西哥夾餅 配料：烤雞柳、青椒、洋蔥、牛油果醬、酸忌廉、蕃茄沙沙醬、墨西哥夾餅 👉 味道算係好味，酸忌廉同 guacamole 令口感更清爽。2. Mrs. Paul’s Braised Ox Tail 店主太太特色炆牛尾 配料：牛尾、牛腩、水果、加納人手採摘黑胡椒 👉 質素一般，牛尾炆得唔算好入味，有羶味，稍為失色。3. 香蒜薄餅 👉 表現不錯，蒜香突出，算係小驚喜。🏠 環境裝修- 有啲新派特色，帶少少異國風情。 - 缺點：重慶大廈嘅廁所真係好污糟，唔係人人接受到，見仁見智。 總結- 推介菜式：烤雞墨西哥夾餅 & 香蒜薄餅…查看更多

推薦重慶大廈非洲菜！！！推薦加納xo醬燒茄子同老闆加納烤魚兩個個醬唔同 各有特色堅果濃湯就太濃堅果味（？朋友唔係咁鍾意但我覺得還好雞煲普通牛尾同烤魷魚都幾好食牛尾夠入味有骨膠原魷魚好滑配個辣醬（同烤魚同茄子個個唔同）最後叫左個非洲辣雞翼朋友（食開勁辣）表示普通一人一杯飲品人均400晚市唔算嘈 坐得舒服骨多想換碟都會換…查看更多

第一次食非洲加納菜，兩個人撐枱腳，先點了即叫即煎原條炸鯽魚、烤雞墨西哥夾餅、水牛芝士水果沙律，另加用洛神花、薑及香料製成的「非洲涼茶」加納特飲。鯽魚炸得非常香口，佐以辣醬，相當惹味；烤雞夾餅配以另上的三小兜醬料，和朋友都覺得美味不已；而沙律中的蕃茄仔和水果都很新鮮，配水牛芝士，清新又好食，特別適合悶熱三號風球天。意猶未盡，再點了雞肉加納醬汁長通粉，醬汁尤其出色，配上畧為煎香的雞肉，味道著實出色。由於呢餐係慶祝朋友生日，所以電話訂座時問可否寫碟，老闆娘話完全冇問題。當日揀了菠蘿Crème Brûlée, 擺盤十分漂亮，寫碟精緻，儀式感十足。不得不提，勤快的店員會在適當時會換碟，而且碟有好幾個花紋，不諳廣東話的她，會告訴你菜式辣唔辣，相當識做。店子雖小，但用餐愉快。到達和離開，都有大廈內樂於助人的異國朋友主動指路，倍感親切。…查看更多

人生第一次試非洲菜 好surprise.ᐟ店內地方雖然唔大 但環境溫馨舒服 裝潢擺設用心 有特色🥢老闆娘親力親為 會主動問你食物味道啱唔啱口味 staff亦會不斷幫你refill 水 細心位加分🥺強烈推薦招牌菜【老闆娘炆牛尾】✨牛尾牛展口感軟腍入味 輕鬆一咬就可以完全離骨 食落滿滿骨膠原 配埋秘製醬汁尤其出色 香料味濃而帶甜 好特別 係出面未食過嘅味 ᵔ⤙ᵔ) ‎.ᐟ撈埋佢個蒜飯食一流😋另外試埋佢哋推薦嘅【非洲辣醬雞扒】~味道都唔錯 雞件份量多 肉質鮮嫩 配埋香辣醬汁相當開胃惹味‎( ˵> <˵ )值得一試.ᐟ整體食物相當有水準有誠意 價錢合理 絕對會再回訪試埋其他菜式😆 .ᐟ呢間小店絕對值得更加多人認識🙌🏻🤍…查看更多

第一次食任何非洲菜，本篇將以上菜次序敘寫&評價：/沙律：lunch set 包，typical 調味，份量非常足，亦都好多種蔬菜，除咗常見嘅菜之外，仲有紅菜頭、小黃番茄，菜variety真係高。凍 Ghana Chocolate: 比起香港凍朱，呢度嘅更加唔甜，ie 原味。亦都比香港凍朱更唔水；你會飲到原粒可可豆所磨出嚟嘅 grainy texture. 非常refreshing 嘅experience。唯獨對於我呢個大學生嚟講，+35蚊真係貴，but 值得。oxtail garlic rice: 飯真係有蒜香，幾突出，toasted 蒜粒會有咬口嘅。牛尾個味其實同香港炆牛腩係少少有得比，in the sense that 呢度嘅味係排除紅燒味之後，就係重啲 herbs and spices 同埋 umami 味。/環境非常乾淨，無受到樓下嘅噪音滋擾。有 jazz播住，service 相當友好。推👍…查看更多

這店一直在訪問中看到，每每約朋友一聽到食店地點位置又或者聽到吃非洲菜都有所卻步⋯⋯今日終於有朋友陪伴下試新嘢，真高興。由於朋友告知小店細細，最好預約訂位，Walk in 未必有位的。我們一行三人，首次到訪，食店在What’s app 提點，由於店內共用洗手間較不潔，故請到訪前可到附近商場，這細心度，一讚。之後還傳發一段短片，怎樣在重慶大廈正門內進入食店，比文字上說明更清晰。憑着短片，我們三人都很清楚找到食店。非洲加納特飲$68~先來這支食店自家製特飲，淨飲會較甜，加冰真是Very Good, 平日飲洛神花蜜就飲所多，食店加入薑和非洲香料，濃濃的薑味十分吸引，相信女士們很喜歡。烤大蝦墨西哥餅 (3件)$168~單是那朵食用花，賣相已相當吸到，蝦做得爽彈，點點醬汁及椰菜絲沙律底，清新開胃，十分惹人喜愛。原條炸鯽魚$168~炸得香口在人手短缺嘅情況下，店員都不斷換碟，而餐碟有不同的圖案，無論在餐具上，已看出食店的一份心意。非洲烈酒~由於筆者問及有關開瓶費用，又對他們的wine List 很有興趣，一看餐牌看到非洲烈酒，好奇一問之下，老闆娘看出筆者好酒之人，慷慨地贈予一小杯給筆者淺嘗一試，酒精度和一般烈酒一樣強烈，有成45%之多，濃濃的草本味道，給人一種有療效補身的感覺，相當有趣。非洲辣王雞煲(半隻)$350聽個名就感覺辣味非常，所以事前要求小辣，醬汁豐富，必須要配白飯或薄餅使用，味道和廣東人辣雞煲感覺完全不同，另有一番個性。Garlic  Naan $50~端上枱已被那蒜蓉香氣重重吸引，唯獨是美中不足的地方就是薄餅到了好一些時間雞煲仍未到達，幸好雞煲夠熱將溫度中和。雜錦海鮮燴非洲飯$278~醬汁獨特，喜歡非洲米的煙韌度。菠蘿焦糖布甸$98~賣相夠吸引，將菠蘿橫切面，起肉抽出打成蓉再加配料，很creamy ，心思的一度菜式。整體來說打破重慶的神秘面紗，一個驚喜的體驗。…查看更多

晚飯第一次吃非洲fusion 菜，水準及服務一流，但係記緊要訂位，那天幸運地在沒有book 位但又可以坐低👍🏻Order 了六款食品及2款甜品- 炸軟殼蟹沙律、辣蝦沙律、烤爐魚、燜牛尾、非洲辣雞、大蒜薄餅、紅色天鵝絨蛋糕、新鮮菠蘿布甸；沒有一款食物不好味；沙律醋汁酸酸甜甜令人開胃 ，軟殼蟹及辣蝦新鮮好味😋烤爐魚嫩滑再加埋有番茄及他們秘製醬汁醬，令魚肉更能提鮮😋燜牛尾火喉控制得宜，每一塊牛尾不鬆散，但咬下便離骨又入味，配大蒜薄餅沾汁也好味；非洲辣雞煮得剛剛好，雞塊咬下有肉汁，雞煲醬汁超好味，辣度可在order 時選擇。甜品-個人比較喜歡 Dessert of the Day - Pineapple pudding 超好味，啖啖新鮮菠蘿肉不太甜，口感豐富又有焦糖面，一試難忘😋😋紅色天鵝絨蛋糕與一般吃的蛋糕有點不同，不像一陣風口感，吃下會停留在口中可細味玫瑰味，蛋糕夾住忌廉，忌廉很豐富好有口感，鹹甜鹹甜夾雜着，令人一試難忘🌷🌷😋😋…查看更多

Paul’s Kitchen @pauls_kitchentst 📍：尖沙咀彌敦道36-44號重慶大廈1樓21號舖🚗：尖沙咀地鐵D1出口 步行5分鐘📞：+852 3956-2178💲：~HKD610/head for lunchFood quality✔️：African Spicy 1/2, African special drink, Dessert of the day👌🏼：Groundnut Ghana Goat Soup, Garlic Naan, Beef root hummus & cauliflower總結：😋呢間係間出色嘅非洲菜 聽到老闆離世嘅不幸消息 而老闆娘決定承繼其違志繼續經營佢先生生前嘅事業 實在令人動容👍🏼😋推薦African 非洲辣雞堡🌶️ 係用冰鮮黃油雞 配上加納香草 加上納辣椒醬同人手採摘花椒 辣度可以調 好惹味😋非洲加納特飲好有特色 薑🫚味好出 洛神花配非洲香料 充滿異國風情😋Dessert of the day 係cream brûlée 呢個有驚喜 好食🤔另外招牌嘅加納羊腩金錢肚堅果濃湯 好食但好似中餐 包含羊腩 金錢肚 堅果🌰紅酒 薯仔 紅蘿蔔 🤔紅菜頭鷹嘴豆蓉 烤焗椰菜花🥦石榴子 唔錯😨全場好full坐得好逼 另外間舖有啲難揾 建議提早去…查看更多

除夕午餐，Honey 帶我去試非洲菜，好驚喜入到小店，環境幾舒服，啲餐碟設計都幾有心思。Honey 點完菜，就話要埋大泥座檯月曆，多謝Honey，每年都送比我，原來老闆娘同大泥既作家相熟，所以大泥座檯座月曆喺到寄賣講返正題，我地要左兩個set lunch. 餐湯係甜紫薯湯😍 第一次飲，估唔到咁好味.... 呢個湯係值得推介Main Dish 我地叫BBQ 醬五花腩配非洲香草炒飯 同 霹靂燒春雞扒配非洲香料炒飯。五花腩烤到皮好脆，食落去卜卜聲；而雞扒個味醃得幾特別，我覺得重點反而係香料炒飯個配醬，唔識講個味道，但係我幾鍾意😁最後就係個餐飲，Honey 話一定要試個朱古力，果然無錯，係純味同好飲！唯一有少少美中不足係地點有啲難搵，兜左成層一樓先搵到...…查看更多

朋友請食飯，主人家上網搵咗呢間香港最出名嘅非洲菜餐廳食飯，佢話見到啲食評都幾好，而我哋都未食過非洲菜，咁就要嚟食吓喇。非洲雞翼：（加納辣醬、OMG醬、炸蒜粒）外脆內嫩，香濃惹味！配埋醬汁食落爆出酸甜味道，好有新鮮口感！香煎牛柳墨西哥夾餅：（有牛柳、青椒、洋蔥、牛油果醬、酸忌廉、蕃茄沙沙醬、夾餅）肉質靭，牛味濃郁，汁多味美。配埋夾餅同配菜一齊食，口感豐富，有嚼勁！非洲王辣雞煲：呢到嘅招牌菜，肉質嫩滑，醬汁辣辣哋好惹味！烤焗原條魷魚：（有新鮮原隻魷魚、免治豬肉、蒜片、車厘茄整）魷魚鮮甜，魷魚圈裏釀入免治牛肉，口感好特別，好味道！雜錦海鮮燴非洲飯：（有本地青口、虎蝦、蜆、魷魚仔、非洲香草蕃茄醬、泰國絲苗米）色香味都好濃郁，有米飯飯焦，一口一啖辣辣地好惹味！菠蘿焦糖布甸：有細細粒嘅新鮮菠蘿，甜甜酸酸，溝埋忌廉一齊食，口感軟綿滑溜，好清新，好有驚喜！非洲加納特飲：（有薑、洛神花及非洲香料製成）酸酸甜甜辣辣，好開胃！…查看更多

今朝幫家姐湊完BiBi之後見仲有啲時間諗起成日都想食嘅Paul’s Kitchen 有新嘢問咗闆娘午餐仲可以叫帶咗爸食個late lunch 個心一路掙扎食返五花腩定試新嘢最後決定一新一舊😂爸點了餐湯今日係蕃茄濃湯入口似南瓜湯感覺面頭有蒜蓉包粒爸揀咗老闆娘秘製牛尾配蒜香飯一如既往超級好食老爸汁都撈埋超入味 今次牛尾肉多感覺有啲似食牛腱如果炆得再腍啲我諗老爸會食得更多肉而我今次揀咗新出嘅Merry Me Source 肉丸配蒜蓉法包個蕃茄汁好開胃牛肉丸手打鮮嫩Juicy mix左洋蔥粒好香口好腍蒜蓉包配芝士蕃茄汁amazing 最後忍唔住叫埋凍加納朱古力So yummy 😋 飲到尾都見到朱古力碎碎好足料好正宗 圓滿的一天@pauls_kitchentst #paulskitchen #hongkong #tst #fusion #food #africanfusionfood #foodie #icechocolate #oxtails #香港 #香港美食 #非洲菜 #重慶 #重慶大厦 #尖沙咀 #yummy #meatballs …查看更多

朋友食過一次返尋味，叫埋我一齊去食，諗諗吓咁大個人都冇食過非洲菜，於是就應約。雖然喺重慶大廈嚟講，價位都比較進取，但係絕對值呢個價錢。‣ 非洲辣王雞煲 $350用咗非洲嘅特有香料，呢隻味真係得呢間餐廳先食得到。好可惜自己唔係好食得辣，今次嗌咗小辣，朋友話再辣啲會更加香同埋好食。雞肉質地相當鮮嫩，雞件都唔少，雞煲嘅香味真係好有層次感，味道絕對唔單調。‣ 店主太太特色炆牛尾 $170我自己超級推薦炆牛尾，味道一流，而且我估計都係用非洲嘅香料，所以同出邊炆牛尾嘅味道絕對唔一樣。而且肉嘅份量都好多，牛尾炆到相當之軟淋，而且佢都係比較辣，但係辣得嚟幾過癮，大家一定要嗌。‣ 蒜香薄餅 $50店員推薦我嗌薄餅，於是就嗌嚟試吓，食落都幾重蒜香味，搭配牛尾同埋雞煲嘅醬汁真係一流，本身唔想食澱粉，但係都忍唔住嗌咗個薄餅。…查看更多

今日慶祝朋友生日揀咗個特別嘅，重慶大廈！以為呢度只有咖喱，朋友推介咗呢間餐廳。首先要衝過門口嘅人群嚟到呢間餐廳，門口感覺風格都OK。 首先望落去幾乾淨幾優雅。 價格唔算太平， 不過味道唔錯。首先點咗杯朱古力飲品，我見到好多枱都有叫，味道係好香濃，唔會太甜唔錯跟住叫咗個墨魚意粉味道都幾鮮甜意粉幾爽口。魚配薯條 ，魚其實冇乜特別，不過佢個醬汁調得好好，所以變咗幾好味，薯條炸到脆卜卜，十分之香口。牛尾骨煲，牛尾骨煲有少少似韓式嗰個牛肋骨煲，甜甜地幾香濃好味，而且個牛尾骨炆到腍晒，配個飯應該就一流。最後係個甜品，pineapple creame brulee 本身我唔係太食甜品，都覺得呢個好唔錯好香滑，又唔算太甜，仲有少少菠蘿嘅清新。所以估唔到喺重慶大廈呢一間餐廳都有啲驚喜…查看更多

第一次知道有Paul’s Kitchen 係由一個網上節目介紹。已經bookmark左好耐，直到係社交平台見到老闆嘅消息之後，先第一次去嘗試。重慶大廈有d複雜，但跟住老闆娘社交平台條介紹片，好容易就可以搵到。lunch time都好多人，記得要book位。第一次食非洲菜，嗌左個烤雞配非洲香料炒飯，烤雞唔會過老，配埋佢d醬汁好好食。而個炒飯就有少少辣，不過我可以接受嘅範圍。同事嗌左個魚柳，酸酸甜甜，魚柳又好滑，真係好唔錯仲嗌左一個豬腩配非洲炒飯，燒豬腩有d似我地嘅燒肉，但佢嘅皮就唔似燒肉咁脆，有d韌。味道係ok嘅。lunch嘅話仲包沙律/湯同飲品，有同事話佢個朱古力十分好飲，下次要試下。…查看更多

聽過一個youtuber介紹哩間餐廳，今日終於有機會黎食。我係星期三大概4點預約7點4人枱，今日都有位俾我約到。我叫左一個牛尾牛腱煲（oxtail pot），招牌辣非洲雞煲（spicy chicken pot），再加左個非洲飯（african rice）同個白飯。牛尾牛腱煲 （10/10）我第一啖食落去，簡直震撼我味蕾🤯🤯🤯。哩個牛尾係我食過最好味嘅牛尾，沒有誇張。牛尾嘅汁係用左非洲嘅香料製成，非常濃厚嘅醬汁，味道偏甜同有好多層次嘅香料味慢慢滲透出黎。牛尾同牛腱煮得夠腍係當然。我同埋好surprise就係牛尾煲竟然只係收$180，佢收雙倍價錢我都一樣照買。招牌辣非洲雞煲 （9.5/10）呢個基本上係啲雞切咗塊之後呢佢就連骨嘅雞啦就連埋啲汁一齊煮嘅個汁呢係有少少蕃茄底，但係亦都係加咗好多非洲嘅香料去整成嘅咁個比起嗰個牛腱煲嘅醬呢非洲呢個雞煲呢個醬就比較冇咁濃嘅，但係呢你就所以係可以一大斤醬連埋啲雞咁樣食落去個味就啱啱好㗎啦。…查看更多