蟹仙海鮮私房．蒸氣石碢 (環海大廈)

营业中

休息中

尖沙咀蟹仙海鮮私房·蒸氣石鍋，一入門口就見到成排生猛海鮮，水缸裡面啲蝦蟹魚一條條游嚟游去。餐廳坐位闊落，環境乾淨。我哋叫咗個海鮮套餐，有齊曬店舖主打嘅野生海鮮。第一輪上嚟嘅係斧山鰻魚同琵琶龍蝦，鰻魚肉質好滑，冇骨嘅部分特別Juicy。琵琶龍蝦，一打開已經見到蝦膏流晒出嚟，香氣十足，帶住天然鹹香，非常正。野生膏仔蟹，打開蟹蓋就見到橙紅色嘅蟹膏，好香，食落鮮甜無腥味。釜山蠔超出預期，蠔肉肥大，晶瑩剔透，入口即爆汁，仲帶海水咸香。係現場即蒸，完全無腥味。海虎蝦尺寸夠大，蝦殼一撕開，蝦肉雪白彈牙，就咁食已經好清甜。蒸完海鮮之後，啲海鮮精華會滴落粥底，唔加味已經好濃鮮甜。粥底裡面仲有加入咸菜、蔥花，每啖都好有層次。餐廳送咗甜品，椰汁燕窩燉品，唔太甜，椰汁香濃，燕窩滑滑咁，食完好滿足。