今日同老公嚟到尖沙咀天文台圍路呢間蒸氣海鮮粥底火鍋，專登同佢嚟撐下台腳，試啲新嘢。點知第一次試呢種蒸氣火鍋，我哋兩個都覺得好有驚喜，超級滿足！
今次叫咗個二人套餐，樣樣海鮮都咁正，但最值得誇嘅肯定係奄仔蟹！店員好耐心咁同我哋解釋佢哋有幾矜貴，聽完已經覺得好特別。一蒸好，嘩！啲膏甘香鮮甜，濃郁到呢……係我未試過嘅高質～
另外，鮑魚、大蝦、青口樣樣都冇得輸，蒸完之後鎖住晒啲肉汁，鮮味到呢，唔使點醬都得。而隻龍蝦呢，又多膏又彈牙！
最後個粥底先成餐嘅精髓！集齊晒所有海鮮精華，仲落咗肉碎同粟米，煮到又綿又甜。我同老公一人食左幾碗，佢話：「呢碗粥吸盡晒啲鮮味，真係冇得頂！」我都點頭話係，暖笠笠咁食完，成個夜晚圓滿晒。
總結：呢間餐廳絕對係傾偈拍拖食飯嘅好地方，環境舒服，海鮮高質，推介俾所有想同享受下海鮮同埋高服務嘅餐廳！
5
