尖沙咀舒服靚景海鮮牛扒餐廳
尖沙咀呢間位於高層商業大廈
內嘅海鮮牛扒餐廳，朋友推薦一定要試佢哋嘅生蠔。
一個人叫咗個一人餐，
頭盤係彩色菜沙律，啲菜好新鮮。
跟住有兩隻生蠔，一隻好 creamy，另外一隻爽口得來好有海洋嘅味道，兩隻都好新鮮。
個餐湯係用魚煮嘅海鮮湯，味道鮮甜清新。
跟住仲有兩隻燒大蝦，隻蝦燒到啱啱好，非常嫩滑，
個蝦頭仲有好多蝦膏，超好味，隻蝦真係好新鮮。
跟住就係主菜——超大塊嘅安格斯牛扒，牛肉味非常香濃，一個人食真係有啲唔晒嘅感覺，份量真係超級大。
飲品我揀咗荔枝烏龍，荔枝味非常香，真係完美嘅一餐。
